"Ka ardhur koha që Bojko Borisov të ndalojë përdorimin e partisë së tij si mburojë dhe të mbrojë nderin e saj duke kandiduar për president," tha para gazetarëve Presidenti Rumen Radev. Sipas tij, argumenti i GERB dhe partive të tjera për të mos shpallur akoma kandidatët e tyre për president dhe nënpresident, që të mos "gjuajnë" kundër tyre, nuk është i drejtë.

Sa i përket gjendjes së sistemit energjetik, presidenti theksoi se qeveria e përkohshme reagoi shpejt dhe filloi "asgjësimin e minave të vendosura nga pushtetarët e mëparshëm në sektorin e energjisë". Kështu, për të tretën javë rresht, çmimet e energjisë elektrike në Bullgari janë ndër më të ulëtat në Evropë.

Rumen Radev tha gjithashtu se në fillim të shtatorit Kristalina Georgieva - e akuzuar për falsifikim të të dhënave në favor të Kinës nga koha e saj si kryedrejtoreshë ekzekutive e Bankës Botërore, kërkoi një takim pune me të për të ndarë tendencat globale në ekonomi, inflacion dhe pasojat e mundshme për Bullgarinë.