Programi i ditës

Radioja Kombëtare Bullgare © 2022 Të gjitha të drejtat janë të rezervuara

Perimet bullgare të serrës do të jenë një mirazh në dimër

Mbi 90% prej prodhuesve të serrave në vendin tonë me siguri do të heqin dorë nga puna

Foto: arkiv

Perimet bullgare preferohen për shkak të shijes së tyre, por dimri i ardhshëm me siguri do t'i detyrojë bullgarët të blejnë domate dhe tranguj tërësisht të importuar. Prodhuesit e serrave paralajmërojnë se tregu mund të mbetet pa perime të prodhuara në vendin tonë. Shkaku - kostoja e lartë e prodhimit.

Dihet mirë se prodhimi në serra është një nga më të shtrenjtat në sektorin e bujqësisë, kurse në momentin e tanishëm prodhuesit llogarisin se është më e arsyeshme të mbyllin. “Gjendja është e mjerueshme. Tre herë janë rritur çmimet e korrentit, të gazit, të plehrave - kjo që për ne është më e domosdoshme”, vuri në dukje përpara Radios Kombëtare Bullgare prodhuesja e serrave Atanaska Bjallkova, e cila i njeh shumë mirë problemet nga brenda:

“Sipas meje është më e arsyeshme të mbyllim serat dhe të mos të punojmë. Por, ne u japim bukë akoma rreth 30 mijë njerëzve në Bullgari, përfytyroni se çfarë do të ngjajë me këta njerëz?” Sipas fjalëve të saj, afro 90% nga prodhuesit e serrës do të preferojnë të mos të mbjellin asgjë, sepse në vend të fitimit kjo do t’u sjellë humbje të mëdha.


Sipas saj rrugëdalja nga situata është një:

“Po, kjo është rrugëdalja - importi. Dhe njerëzit do të hanë perime nga Greqia, Turqia, Shqipëria. Aty nuk e dimë se cilat do të jenë çmimet, por çdo një këtu e ka të qartë se prodhimi bullgar i serave është më i shtrenjti. Sepse tek ne gjithmonë korrenti dhe gazi kanë qenë më të shtrenjtë dhe ne nuk mund t’i lejojmë vetes të shesim me çmime të ulëta. Duhet t’u japim paga edhe punëtorëve, kurse për ne - çfarë të mbetet.”

Përveç sfidave të çmimit të energjisë me të cilat përballet sektori, si të gjitha bizneset e tjera në muajt e fundit, prodhuesit e serës në Bullgari prej viteve zhvillojnë dhe një betejë tjetër. Ajo është me konkurrencën jo luajale të njerëzve, të cilët shesin fryte dhe perime të importuara me çmime më të ulëta, por i shpallin si të prodhuara në Bullgari. Ndaj këtyre problemeve shtohen dhe akoma të tjera të lidhura me subvencionimin e prodhimit të serrës tek ne:


“Është një fakt i njohur se për prodhimin në serrë, ne marrim subvencionet më të vogla në të gjithë Bullgarinë. Paratë nuk janë ndarë sipas sasisë së mallrave që eksportoni në treg, por sipas asaj nëse je blegtor, prodhues drithi, apo prodhues i perimeve. Ne gjithmonë kemi qenë të prekur e të dëmtuar. Gjërat sikurse u rregulluan pak gjatë viteve të fundit, por kur shikoj se çfarë po ndodh në shtet, nuk jam optimiste. Ja, përsëri u jepen para mbarështuesve të mëdhenj dhe kultivuesve të drithërave, kurse ne, kemi qenë gjithmonë në telashe."

Atanaska Bjallkova paralajmëron se ka shumë të ngjarë që 30 mijë punonjës në serra të mbeten pa mjete jetese për në dimër.

Intervistë/Veselina Millanova-BNR-“Horizont”

Redaktoi: Elena Karkallanova

Përgatiti në shqip: Nataniela Vasileva

Foto: arkiv, BGNES


Më shumë nga rubrika

Matthias Corman

Bullgaria fillon negociata për të hyrë në Organizatën për Bashkëpunim dhe Zhvillim Ekonomik

Organizata për Bashkëpunim dhe Zhvillim Ekonomik (OECD) po fillon bisedimet e anëtarësimit me gjashtë vende, duke përfshirë Bullgarinë, sipas faqes së internetit të OECD. Procesi është duke u zhvilluar edhe për Argjentinën, Brazilin, Kroacinë,..

botuar më 22-01-26 12.13.MD
Godina e Bankës Popullore Bullgare

Banka Popullore Bullgare paralajmëron bankat të jenë të kujdesshme me kreditimin

Në buletinin e Shoqatës së Bankave në Bullgari Guvernatori i Bankës Popullore Bullgare /BNB/ Dimitër Radev parashikon pik të inflacionit gjatë muajit qershor dhe pas kësaj njëfarë qetësimi. Radev parashikon gjithashtu një kthim të ciklit të..

botuar më 22-01-25 3.04.MD

Çmimet u rritën ndjeshëm dhe kjo ndryshoi edhe qëndrimet e bullgarëve për kursimet e tyre

Aktualisht jemi në një periudhë transformimi global të ekonomive në mbarë botën, biznese të reja po shfaqen dhe të tjera po ndryshojnë dhe kjo reflektohet edhe në vendin tonë, thonë ekspertët financiarë. Ata këshillojnë njerëzit që të vazhdojnë të..

botuar më 22-01-21 7.15.PD
Подкасти от БНР