Në votimin e tretë të paprecedentë radhazi parlamentar brenda një viti, për votat e bullgarëve konkurrojnë 5016 kandidatë nga 20 parti dhe 7 koalicione. Numri i seksioneve në vendin tonë është mbi 11.600, ndërsa të drejtën e votës e kanë 6.708.189 persona. Vetëm në Sofje ka 1581 seksione.
Votimi në seksionet me 300 ose më shumë votues do të bëhet sërish vetëm me makinë, siç ishte edhe në zgjedhjet e parakohshme parlamentare më 11 korrik. Makina do të ketë në 9391 seksione, kurse në 2119 prej tyre pritet të ketë dy pajisje. Votimi bëhet me një makinë dhe me një kartë smart si për president, ashtu edhe për parlament. Votuesi ka tre opsione për të votuar me makinë:
1. Vetëm për President dhe Nënpresident;
2. Vetëm për deputetë;
3. Njëkohësisht për President dhe deputetë.
Në varësi të zgjedhjes së votuesit, nga makina do të dalin një ose dy fatura.
Si në zgjedhjet e mëparshme, votuesi mund të tregojë edhe një numër preferencial, d.m.th. të zgjedhë një kandidat të caktuar nga lista e formacionit politik të preferuar nga ai.
Votuesit e vendosur në karantinë ose izolim të detyrueshëm mund të votojnë me kuti të lëvizshme votimi, por vetëm nëse kanë aplikuar paraprakisht. Në rast se kanë nënshkrim elektronik të kualifikuar, ata do të mund të paraqesin aplikim online për votim me kuti të lëvizshme edhe në ditën e zgjedhjeve.
Dita e zgjedhjeve filloi në orën 7:00 dhe do të përfundojë në orën 20:00.
Përpiloi: Darina Grigorova
Përgatiti në shqip: Vesella Mançeva
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë të festivalit emblematik "Topllo Fest". Nën moton "Lartë në qiell", qiftet shumëngjyrëshe..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një goditje të papritur të djathtës në Francë. “ Në vend të parë është i ashtuquajturi “Fronti i..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i bashkatdhetarëve tanë. Dy vjet më vonë, me iniciativën e Konsullatës së Përgjithshme të Bullgarisë, ajo u..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të..
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit..