Programi i ditës

Radioja Kombëtare Bullgare © 2022 Të gjitha të drejtat janë të rezervuara

Bullgarët jashtë shtetit do të votojnë në 68 vende

Foto: BGNES

Për zgjedhjet 2 në 1 janë hapur 751 seksione votimi jashtë vendit në 68 vende. Ka një ndryshim serioz në krahasim me votën e parakohshme parlamentare të korrikut për sa u përket qendrave të votimit në Gjermani. Do të ketë seksione vetëm në 40 adresa, për shkak të kufizimeve të vendosura nga autoritetet lokale, por numri i seksioneve do të jetë 85. Shumica e seksioneve këtë herë janë në Turqi dhe Britaninë e Madhe - mbi 130 në secilin vend. Në krahasim me zgjedhjet e mëparshme parlamentare që u mbajtën këtë vit, tani bashkatdhetarët tanë jashtë vendit do të kenë 31 seksione më pak se gjatë zgjedhjeve më 11 korrik, kur jashtë vendit kishte një rekord prej 782 seksionesh. Mirëpo, atëherë hoqën kufizimet për seksione jashtë territorit të BE-së dhe prandaj numri i tyre ishte pothuajse dy herë më i madh në krahasim me zgjedhjet e 4 prillit.

Votuesit jashtë shtetit do të disponojnë 416 makina votimi të vendosura në 208 seksione. Në seksionet e tjera e drejta e votës do të ushtrohet me fletë votimi. Më shumë se 4000 anëtarë të komisioneve zgjedhore jashtë vendit janë të angazhuar në mbarëvajtjen e procesit zgjedhor dhe afro 3000 prej tyre janë përfaqësues të bashkatdhetarëve tanë që jetojnë jashtë vendit.

Bullgarët jashtë shtetit do të zgjedhin president dhe forca politike për Legjislaturën e 47-të të Kuvendit Popullor, por ata nuk mund të tregojnë një numër preferencial, d.m.th. nuk mund të zgjedhin një kandidat të caktuar nga lista e formacionit politik të preferuar nga ata.

Në seksionet jashtë vendit, bashkatdhetarët tanë do të mund të identifikohen me dokument identiteti madje me afat të skaduar. Aty mund të votojë gjithashtu çdo shtetas bullgar me të drejtë vote, i cili ndodhet për një udhëtim pune ose është banor i përkohshëm dhe nuk ka paraqitur kërkesë paraprake.

Përpiloi: Darina Grigorova

Përgatiti në shqip: Vesella Mançeva


Më shumë nga rubrika

Festivali i byrekut në fshatin Banica

Byreku bullgar u njoh si një delikatesë botërore

Byreku (bullgarisht banica) është një pjatë tradicionale bullgare e bërë nga kore fine të lyera me vaj ose me gjalpë dhe mbi sipër me një përzierje vezësh, kosi dhe djathi të bardhë . Më pas koret rrotullohen. Mund të përgatitet me mbushje të..

botuar më 22-01-21 11.43.PD

21 janari – Dita e Maternitetit në Bullgari

Në vitin 2021 në Bullgari lindën 58 393 foshnja. Prej tyre 29 921 janë djem dhe 28 472 janë vajza. Shumica e foshnjave lindën në Sofje (13 168), më pak në Vidin të Bullgarisë Veriperëndimore (525). Këto të dhëna publikon Instituti Kombëtar i..

botuar më 22-01-21 7.00.PD

Pandemia rrit rrezikun e shfrytëzimit të punës

Sot në botë ka më shumë skllevër se në çdo kohë tjetër në historinë njerëzore. Këtë e dëshmojnë dhe të dhënat e Organizatës Ndërkombëtare të Punës të Kombeve të Bashkuara nga viti 2021, sipas të cilave më shumë se 25 milionë njerëz jetojnë në një..

botuar më 22-01-20 7.15.PD
Подкасти от БНР