Dita e zgjedhjeve jashtë vendit përfundoi në orën 06:00 me orën bullgare të hënën, më 15 nëntor 2021, njoftoi Ministria e Punëve të Jashtme. Për shkak të diferencës kohore, më së voni u mbyllën seksionet në shtetet amerikane të Kalifornisë, Arizonës dhe Nevadës, si dhe në qytetin kanadez Vankuver.

Bashkatdhetarët tanë jashtë Bullgarisë votuan në gjithsej 750 seksione në 68 vende, numri më i madh i të cilave u hapën në Evropë. Në votim u përdorën 416 makineri, në gjithsej 208 qendra votimi në 21 shtete të Evropës, SHBA-së dhe Kanadasë. Në secilën prej tyre kishte dy makina. Në sajë të përpjekjeve të Ministrisë sonë të Jashtme dhe organizatorëve jashtë vendit, votimi shkoi pa probleme dhe bashkatdhetarët tanë arritën të ushtrojnë pa pengesa të drejtën e tyre kushtetuese për të votuar.