Programi i ditës

Radioja Kombëtare Bullgare © 2022 Të gjitha të drejtat janë të rezervuara

Filluan konsultimet tek Presidentit për qeverinë e ardhshme

| rinovuar më 21-12-06 4.45.MD
Foto: Facebook/Rumen Radev

Presidenti Rumen Radev filloi konsultimet me forcat e përfaqësuara në parlament për të dorëzuar një mandat për formimin e qeverisë. Kreu i Shtetit priti fillimisht përfaqësuesit e “Po e vazhdojmë ndryshimin”. Radev tha se pas zgjedhjeve ka përfunduar koha e udhëheqjes autoritare kryeministrore.

Kandidati për Kryeministër Kirill Petkov tha se është absolutisht e nevojshme që Bullgaria të ketë një qeveri të rregullt е cila t'i zgjidhë problemet urgjente në një mandat të plotë dhe me një parlament funksionues.

Petkov theksoi se ka një marrëveshje koalicioni me partnerët e ardhshëm në qeverisje, në të cilën janë të pranishme mbi 90% të politikave të përbashkëta.

Në takimin me presidentin, kryetarja e grupit parlamentar GERB-SDS, Desisllava Atanasova, tha se ata do të jenë opozitë e qeverisë së majtë-liberale që po formohet.

“Ky ishte një vit i grindjeve dhe represioneve. Megjithatë, koalicioni ynë është forca e dytë politike në Legjislaturën e 47-të të Kuvendit Popullor”, tha Atanasova. Ajo premtoi se nëse qeveria u kërkon ndihmë apo këshilla, ata janë të gatshëm t’i japin, por çdo gabim i qeverisë së ardhshme do të vihet në pah.

Kriza politike është një fakt. Ajo mund të zgjidhet përmes dialogut ndërmjet partive dhe institucioneve, tha lideri i Lëvizjes për të Drejtat dhe Liritë /DPS/ Mustafa Karadajë në konsultimet me Presidentin Rumen Radev.

“Zgjedhjet e treta kaluan me shpresa dhe pritshmëri shumë të mëdha të votuesve. Vendi ka nevojë për një kabinet të rregullt, duke pasur parasysh krizat e shumta me të cilat po përballemi," tha Karadajë. Ai theksoi se Bullgaria është vonuar me planin e saj për rimëkëmbjen dhe thithjen e fondeve nga programet operative të BE-së.

Pas konsultimeve me Presidentin Rumen Radev për formimin e qeverisë së re, liderja e Partisë Socialiste Bullgare /BSP/ Kornelia Ninova tha se partia do të bëjë çmos për të pasur një kabinet të rregullt. Ninova theksoi se grupe ekspertësh dhe politike kanë shqyrtuar marrëveshjen e koalicionit dhe se BSP-ja ka disa vërejtje për të, të cilat do të diskutohen në nivel partiak. Tani për tani Kornelija Ninova ajo as konfirmoi, as mohoi se do të ishte zëvendëskryeministre në qeverinë e mundshme të ardhshme.


Më shumë nga rubrika

Ministrja Gençovska

Bullgaria dhe Rumania mbështesin sovranitetin e Ukrainës

Ministrja e Jashtme Teodora Gençovska përgëzoi në telefon homologun e saj rumun Bogdan Aurescu për 30 vjetorin e nënshkrimit të marrëveshjes për miqësinë, bashkëpunimin dhe fqinjësinë e mirë midis dy vendeve. Të dy ministrat riafirmuan..

botuar më 22-01-28 9.32.PD

Tashmë tre ditë të sapo infektuarit me Covid janë mbi 26%

9874 janë rastet e reja me koronavirus në vend për 24 orët e fundit krahasuar me 9916 një ditë më parë. 77 për qind e të infektuarve rishtazi nuk janë të imunizuar. 26.2% e 37 945 testeve të kryera janë pozitive, sipas portalit..

botuar më 22-01-28 9.01.PD

Parashikimi i motit për 28 janarin

E premtja para dite   temperaturat minimale do të jenë ndërmjet minus 5 dhe 0 gradë. Gjatë ditës vranësira do të jetë e ndryshueshme, pasdite dhe e konsiderueshme. Temperaturat maksimale do të lëvizin ndërmjet 5 dhe 10 gradë, për Sofje deri në..

botuar më 22-01-27 8.25.MD
Подкасти от БНР