Kryeprokurori Ivan Geshev pret një përgjigje evropiane ndaj synimit të pushtetarëve të rinj për të mbyllur gjykatën dhe prokurorinë e specializuar. Duke hyrë në Kuvendin Popullor, ku aktualisht po votohet për kabinetin e ardhshëm, ai shtoi se është në kontakt të vazhdueshëm me Kryetaren e Prokurorisë Evropiane Laura Kövesi. Ajo që e di nga një bisedë personale është se ajo është e kënaqur për punën e Prokurorisë bullgare”, theksoi Kryeprokurori. Sipas tij, në gjashtë muajt e fundit Ministria e Brendshme është fokusuar në 1-2 gjëra dhe kjo ka sjellë mungesë rezultatesh. Sa i përket hetimit për paratë e derdhura nga ndërtimi i autostradës Hemus, Ivan Geshev e quajti të rremë pohimin se prokurorët nuk kanë bashkëpunuar me policët hetues. Ndërkohë, Presidenti Rumen Radev dhe Kryeprokurori kanë biseduar në Kuvendin Popullor, raportoi një gazetar i BNR.