Në qytetin Bllagoevgrad të Bullgarisë Veriperëndimore me rastin e 150 vjetorit të lindjes së revolucionarit dhe ideolog Goce Dellçev u mbajt një procesion dhe ritual solemn me pjesëmarrjen e Presidentit Rumen Radev dhe Kryeministrit Kirill Petkov. “Sot, 150 vjet pas lindjes së Goce Dellçevit, si në Bullgari ashtu edhe në Republikën e Maqedonisë së Veriut e adhurojmë kujtimin e tij. Së bashku e nderojmë, ashtu siç do të dëshironte vetë Dellçevi, sepse gjatë jetës së tij ai mblidhte, bashkonte dhe luftonte kundër ndarjes dhe dobësive tona të përbashkëta.” Këtë e theksoi presidenti në fjalën e tij në kujtim të revolucionarit që ia kushtoi jetën çlirimit të Maqedonisë dhe Edrenesë.

Në kuadrin e vizitës së saj në Republikën e Maqedonisë së Veriut Ministrja e Punëve të Jashtme Teodora Gençovska bëri homazhe dhe vendosi lule në varrin e Goce Dellçevit në oborrin e kishës së “Shpëtimtarit të Shenjtë” në Shkup. Arsyeja e kësaj vizite është shënimi i 150 vjetorit të lindjes së Goce Dellçevit. Ministrja Gençovska asistoi edhe në hapjen e ekspozitës "Ikonat çudibërëse dhe lipsanet e shenjta të Ballkanit” në Institutin Kulturor Bullgar dhe u takua me përfaqësues të komunitetit bullgar në Maqedoninë e Veriut.