Edhe këtë vit fëmijët bullgarë në mbarë botën nuk e thyen traditën e përgatitjes së martenicave (veroreve) për 1 marsin. Zakonisht, punëtoritë e improvizuara të martenicave hapin dyert e tyre në shkollat bullgare të së dielës jashtë vendit.
“Por këto ditë gjithçka është ndryshe... e ftohtë, e tensionuar dhe disi e frikshme... Nuk e ka pakujdesinë e fëmijërisë, të qeshurat nëpër klasa... Dhe si mund të jetë ndryshe pas kufizimeve të detyrueshme që na larguan njëri nga tjetri, si dhe pas fillimit të luftës që është vetëm pak hapa larg nesh?” – shkruan në Facebook Veneta Nenkova, themeluese e shkollës bullgare “Asen dhe Ilija Pejkovi” në Romë.
Duke publikuar foto të punishtes së tyre të martenicave, ajo shton edhe shpresën se sivjet Gjysha Marta do të na sjellë shëndet, jetëgjatësi, bereqet... “Por para se gjithash presim që Gjysha Marta të na sjellë PAQE...”
Bullgarët në Milano morën pjesë në Festivalin e Gjashtë të Martenicës në qytetin italian. “Dhe këtë vit punëtoritë tona të martenicave na sollën gëzim të madh!Edhe dielli na ndihmoi në organizim – falë motit të mirë, festa jonë u bë edhe më e mirë”, tha Gergana Hristova nga shkolla bullgare në Milano.
Kori i fëmijëve "Sharena Gajda" në Berlin ia kushtoi të dielën e fundit të shkurtit traditës bullgare. Dhe kjo nuk është rastësi, pasi folklori bullgar është fokusi i aktiviteteve të fëmijëve të moshës 4 deri në 13 vjeç, kryesisht fëmijë të familjeve me të paktën një prind bullgar. “Е kombinuam punëtorinë e martenicave me një provë të korit të fëmijëve. Derisa fëmijët këndonin, na vizitoi Gjysha Marta, edhe fëmijët, edhe prindërit mësoheshin të bënin martenica”, na tregoi Violetta Gatev nga Berlini.
Një punëtori e veçantë për martenicat hapet më 1 mars në shkollën bullgare "Ivan Vazov" në kryeqytetin kroat Zagreb. “Këtë vit po i shtrembërojmë fijet me shpresën për paqe, shëndet të mirë, pranverë në zemra dhe buzëqeshje të ndritshme të fëmijëve”, na shkroi regjisorja Iglika Kassabova.
Gjysha Marta nxitoi të lidhë martenica në duart e fëmijëve bullgarë në shkollën e së dielës “Shenjtorët Kirill dhe Metodij në Athinë, të cilët ia kushtuan të dielën e kaluar festës kombëtare të Bullgarisë, 3 marsit.
Një javë më parë, edhe fëmijët në shkollën bullgare “Paisii Hilendarski” në Paris i bënë martenicat e tyre.
“Si të shkojmë me pushime pa ibërë martenicat, edhe pse pak herët!” – lexojmë në faqen e shkollës. E kuptojmë që përveç familjeve, fëmijët kanë bërë martenica të vërteta edhe për miqtë e tyre francezë!
Përpiloi: Elena Karkallanova
Përgatiti në shqip: Vesella Mançeva
Foto: Facebook.com/venetanenkova, Facebook /@scuolabulgaramilano, Facebook /@ sharenagayda.berlin, Shkollë bullgare "Ivan Vazov" - Zagreb, Facebook /@BNUKiriliMetodii, Facebook /@ecolebulgare
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Festivali i pestë i Peshkut dhe i Verës do të mbahet nga 5 deri më 8 shtator në qytetin tonë bregdetar Burgas. Veprimtaria do t'u ofrojë banorëve dhe mysafirëve të qytetit një shumëllojshmëri prodhimi të kuzhinës dhe verës, një program muzikor dhe..
Nominimet për eurokomisioner bullgar u shpallën në sfondin e zëvendësimit të qeverisë së parë provizore të kryeministrit Dimitër Gllavçev me atë të dytë, në sfondin e një krize të thellë partiake në dy nga forcat politike tradicionale në Bullgari -..
Fshati Radevo ndodhet në Bullgarinë Verilindore, jo shumë larg nga kryeqyteti ynë detar dhe po ashtu qytet i madh turistik - Varna, distanca është rreth..
Një tjetër donacion i madh për komunën shqiptare të Prespës së Vogël është bërë nga Fondacioni “Kujtesa Bullgare” më 14 shtator në fshatin Globoçeni të..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e..