Programi i ditës
Radioja Kombëtare Bullgare © 2022 Të gjitha të drejtat janë të rezervuara

Arrestimi i Bojko Borisovit – një demonstrim, apo një hap në luftën kundër korrupsionit në Bullgari

Foto: BGNES/MPB

Arrestimi 24-orësh i ish-Kryeministrit Bojko Borisov, ish-Ministrit të Financave Vlladislav Goranov dhe shefes së Qendrës së Qeverisë për shtyp Sevdalina Arnaudova më 17 mars është tema kryesore në politikën e brendshme të Bullgarisë dhe saga e akuzave të ndërsjella mes Prokurorisë dhe Ministrisë së Brendshme po vazhdon. Mbetet të shihet nëse qeveria do të jetë në gjendje të dëshmojë se po ndërmerr hapa për të realizuar premtimin me të cilin partia “Po e vazhdojmë ndryshimin” fitoi pozitën e liderit - “zero tolerancë ndaj korrupsionit”.

Sipas jurisit Ljubomir Talev, arrestimi i të treve është “një triumf i paligjshmërisë, pafuqisë dhe pseudo-ndërrimit”. Juristi e shprehu pozitën e vet para sajtit Novetica, duke saktësuar: “Triumf i padrejtësisë, sepse para shoqërisë nuk u paraqitën prova dhe argumente, të cilat justifikojnë urgjencën e arrestimit të një njeriu, pa një sanksioni nga ana e autoritetit të pavarur gjyqësor... Triumf i pseudo-ndërrimit, sepse të ashtuquajturat “parti të protestës” erdhën në pushtet me premtime për reforma në drejtësi, për ligjshmëri, për vendosjen e shtetit ligjor dhe garantimin e pavarësisë së gjyqësorit...  Në të njëjtën kohë, ne po shohim të kundërtën.”

Në një intervistë për Radion Kombëtare Bullgare /BNR/, deputetja e GERB-it, Dani Kanazireva shpreh dyshimin se arrestimi i Borisovit është rezultat i një urdhri të Kryeministrit të tanishëm Kirill Petkov.

Kryetari i grupit parlamentar të "Bullgarisë Demokratike" Hristo Ivanov, nga ana e tij, mendon se këto veprime të policisë duhej të ndodhnin, pasi ka "shumë pyetje ndaj Bojko Borisovit" dhe të arrestuarve të tjerë për të cilat nuk kemi marrë përgjigje.

Përpjekja e ish-pushtetarëve të GERB-it - aktualisht forca më e madhe opozitare në Parlament, për ta paraqitur atë që ndodhi si një betejë midis shtetit të keq dhe Borisovit të mirë, nuk ka gjasa të jetë e suksesshme, parashikon politologu Strahill Delijski:

“Sigurisht që kjo do të ndikojë si një stimul për bashkimin e partisë. Vetëm një javë më parë në kongresin e saj partia deklaroi se GERB është Borisov dhe Borisov është GERB. Çdo komunitet reagon në këtë mënyrë kur është nën kërcënim. Megjithatë, partia nuk mund të rritet, sepse Borisov është ai që i mban ata të gjallë, por i pengon për t’u zhvilluar në një mjedis politik dinamik. Në një intervistë për BNR Plovdiv, politologu theksoi gjithashtu se aksioni ka pasur një efekt të vogël bashkues edhe sa i përket koalicionit qeverisës.

“Nuk po shoh se çfarë fituan nga kjo, përveç se edhe një herë thanë - ne jemi të mirët, Prokuroria është e keqe”, tha politologu Dimitër Ganev, duke komentuar veprimet e MPB-së. “Duhet të kesh prova të pakundërshtueshme për ta bërë një gjë të tillë dhe ta bësh këtë urgjentisht. Në momentin kur u skaduan 24 orët, efekti politik i ndalimit është se u arrit në rehabilitim të pjesshëm të GERB-it dhe të Borisovit. Nuk e di se çfarë kishin imagjinuar pushtetarët, por e gjithë kjo mund të kthehet si një bumerang”.

Sipas Zëvendëskryeministrit dhe Ministrit të Financave Asen Vasilev, lirimi i Bojko Borisov dhe Vlladislav Goranovit pa akuza është "dështim i Prokurorisë, jo i qeverisë".

“Jemi dëshmitarë të refuzimit të Prokurorisë për të nisur procedimin paraprak dhe për të filluar mbledhjen e provave – vuri në dukje ai. – Nuk ka rëndësi se si quhesh, rregullat duhet të jenë të njëjta për të gjithë. Ministria e Brendshme ka kryer një veprim normal hetimor. Ky proces do të vazhdojë.”

Përpiloi: Joan Kolev

Përgatiti në shqip: Vesella Mançeva

Foto: BGNES

Më shumë nga rubrika

Ngjarjet me adresë ballkanike

Shkupi me 5 kushte para BE-së për të pranuar propozimin francez për negociatat Maqedonia e Veriut hodhi poshtë propozimin e Presidencës franceze për heqjen e vetos dhe fillimin e negociatave me Shkupin për anëtarësim në BE. Pas Samitit..

botuar më 22-06-24 2.40.MD

Ministria e Jashtme dënoi fyerjet e Kryeministrit Edi Rama ndaj Bullgarisë dhe BE-së

Në një qëndrim të Ministrisë së Punëve të Jashtme thuhet se në BE Bullgaria gjithmonë ka mbështetur përkatësinë evropiane të popullit shqiptar. “Ne kemi mbrojtur perspektivën evropiane të Shqipërisë dhe fillimin e bisedimeve të anëtarësimit në BE..

botuar më 22-06-24 12.42.MD
Kryeministri Edi Rama

Kryeministri i Shqipërisë Edi Rama para BNT: “Ju jeni një kaos i plotë, ju jeni një turp”

“Është turp që një anëtar i NATO-s të mbajë peng dy vende të tjera të NATO-s, ndërsa në oborrin е pasmë të Evropës po zhvillohet një luftë e nxehtë. Dhe, sigurisht, nuk është mirë të shohësh 26 vende të tjera të shfaqin pafuqi të frikshme.”..

botuar më 22-06-23 3.28.MD