Bashkëkryetari i “Bullgarisë Demokratike” Hristo Ivanov në një intervistë për BNR tha se nesër nuk ka nevojë për një këshill koalicioni të partive në pushtet. Sipas tij, pas ndryshimit të qëndrimeve të partive “Po e vazhdojmë ndryshimin” dhe “Ka një popull të tillë” për të dërguar ndihmë ushtarake në Ukrainë, “Bullgaria Demokratike” do të përfitojë nga rasti për të propozuar një pikë në rendin e ditës të seancës së parë të parlamenti më 4 maj dhe do të ngrejë çështjen e mbështetjes ushtarake për votimin në Kuvendin Popullor.

Para mbështetësve, ish-kryeministri Bojko Borisov njoftoi se Bullgaria po eksporton armë në Ukrainë dhe që nga shkurti eksportet u intensifikuan dhe fabrikat e armëve në Bullgari funksionojnë me shpejtësi. “Kjo nuk është një sekret”, tha Borisov, duke vënë në dukje se ka informacion publik për faturat e ngarkesës dhe destinacionin.

Në përgjigje, Zëvendëskryeministrja dhe Ministre e Ekonomisë dhe Industrisë Kornelija Ninova hodhi poshtë deklaratat e Borisov, duke argumentuar se nëse vendi ynë eksportonte armë në Ukrainë, nuk do t’i nënshtrohej një presioni kaq të fortë nga faktorë të jashtëm.