Një ekip nga Instituti i Teknologjive të Informacionit dhe Komunikimit në Akademinë Bullgare të Shkencave do të punojë në kuadrin e një konsorciumi ndërkombëtar mbi projektin "Ndërfaqja auto-adaptive neuromorfike tru-makinë”, lidhur me aplikimin e inteligjencës artificiale në kujdesin shëndetësor. Projekti, i cili u miratua për financim nga Komisioni Evropian, synon të lejojë personat me dëmtime të rënda të shtyllës kurrizore, të cilët nuk janë në gjendje të lëvizin gjymtyrët e tyre të poshtme, të “ecin” dhe të kryejnë aktivitete që nuk janë të mundshme pa mjete ndihmëse. Në bashkëpunim me kolegë nga Franca, Zvicra dhe Holanda, studiuesit bullgarë do të krijojnë një mekanizëm që lexon sinjalet nga truri dhe i transmeton ato në pajisje që mbështesin lëvizjet e pacientit.