Programi i ditës
Radioja Kombëtare Bullgare © 2022 Të gjitha të drejtat janë të rezervuara

Në Plovdiv po fillon "One Dance Week" – janë ftuar yjet botërore të kërcimit bashkëkohor

11 shfaqje nga Azia, Afrika, Evropa dhe Amerika e Jugut, duke përfshirë këtu dhe 4 premiera botërore, na presin nga 13 maji deri më 5 qershor

Foto: Facebook/onedanceweek

Shumë pak ngjarje kulturore bashkëkohore në vendin tonë përballojnë ndryshimet e trazuara politike, ekonomike dhe sociale dhe shënojnë jetëgjatësi në ekzistencën e tyre. Mes tyre doli dhe festivali më i madh ndërkombëtar për një vallëzim modern në Bullgari One Dance Week”, i cili e ka filluar rrugën e vet nga kryeqyteti Sofja gjatë vitit 2008 dhe e ka vazhduar “jetën e vet” mes kodrave të bukura të Plovdivit.

Edicioni i 14 i forumit sivjet fillon më 13 maj dhe do të vazhdojë deri më 5 qershor në Plovdiv. Një aksent është i gjithë programi, deklaron në mënyrë kategorike themeluesi i tij dhe drejtor Asen Asenov. Në të janë përfshirë 11 spektakle nga Azia, Afrika, Evropa dhe Amerika Jugore, pasi pesë nga produksionet janë të bashkëprodhuara nga festivali. “Ky është kontributi ynë që Bullgaria të duket në mënyrë adekuate, kuptimplotë dhe me kokë të ngritur lartë sa i përket skenës kulturore evropiane” - tha për Radion Kombëtare Bullgare Asen Asenov.

“Vjet “One Dance Week” u ftua të ishte një nga themeluesit e Aleancës Evropiane të Kërcimit Big Pulse Dance Alliance (BPDA). Ky është një rrjet prej 12 festivaleve/institucioneve evropiane, të bashkuara nga qëllimi i tyre i përbashkët të zhvillojnë dhe të forcojnë sektorin modern të vallëzimit, me mbështetjen financiare të programit “Evropa Krijuese” të Bashkimit Evropian. Themeluesit janë disa nga festivalet më të mëdha të kërcimit në të gjithë Evropën Perëndimore, kurse One Dance Week është i vetmi në Ballkan dhe një nga tre në përgjithësi në Evropën Qendrore dhe Lindore, së bashku me Republikën Çeke dhe Lituaninë, të cilat janë pjesë e kësaj organizate prestigjioze.”

Një fakt i cili po kthehet në një stimul dhe premisë që organizatorët  të përmirësojnë gjithçka që kanë bërë deri tani. Pikërisht kjo shpjegon dhe numrin e madh  të  bashkëprodhimeve dhe të 4 premierave botërore në program, e para prej të cilave është më 14 maj.

“Ky është spektakli “Svërzan”/ I lidhur/ i Dejan Georgievit, një koreograf i ri bullgar. Festivali për herë të parë është producent i artistëve strategjikë bullgarë dhe ky trend do të vazhdojë. Jemi producent gjithashtu i spektaklit të Marion Dërovas - pa dyshim një nga emrat e shquar të skenës bullgare në këtë moment, me një premierë botërore më 20 maj.

„I lidhur“

Kemi dy premiera botërore, të cilat janë një ngjarje e madhe, përfshi dhe për skenën evropiane. Më 14 maj  do të tregojmë përherë të parë spektaklin “Vagabond” - projekti i ri koreografik i Idio Chichava nga Mozambiku. “Vagabond” është një produksion i përbashkët i "One dance week" dhe Kinani Festival, Maputo.

„Vagabond“

Dhe premiera e fundit vjen nga Italia - ky është produksioni “Heroi i fshehtë” i Damiano Bigi - tregon Asenov.

„Heroi i fshehtë“

Fokusi i festivalit sivjet është Portugalia. Sipas fjalëve të Asen Asenovit, ky është një nga shtetet më interesante nga pikëpamja e zhvillimit të vallëzimit modern. Tre janë spektaklet portugeze në program, ku ai më interesanti është i zgjedhur të mbyllë festivalin më 5 qershor. Bëhet fjalë për “Bizon” të koreografit portugez Marco da Silva Ferreira, i njohur me gërshetimin e stileve hip-hop, street kërcime dhe tema aktuale dhe moderne në projektet e tij. Asen Asenov shënoi dhe premierën evropiane nga Brazili më 22 dhe 23 maj.

Balé da Cidade de São Paulo

“Ajo është një nga kompanitë më të mëdha të kërcimit nga Brazili -kompania e kërcimit të vet qytetit Sao Paulo BALÉ DA CIDADE DE SÃO PAULO, e cila do të prezantojë spektaklin e vet “Ky është kërcimi”, i frymëzuar nga një stil i ri Passinho, i lindur në getot e Rio de Zhaneiros.”

Më 3 qershor do të prezantohet  shfaqja spektakolare “Dragonjtë” të yllit të Koresë së Jugut- Eun-Me Ahn.

„Dragonjtë“

Sivjet festivali i kërcimit në Plovdiv u ofron të gjithë qytetarëve ukrainas, të cilët gjenden në territorin e Bullgarisë një prani të lirë në spektaklet nga programi. “Në kohëra të tilla, kur njerëzit janë të ndarë nga familjet e veta, nuk është e mjaftueshme vetëm t’u japim rroba dhe strehim. Ne duam t’u japim dhe një ushqim shpirtëror, i cili të jetë një fllad i lehtë në ditët e tyre të përditshme” - sqaroi vendimin e marrë Asen Asenov.

Autore: Vesella Krësteva /është përdorur intervista e Svetllana Tarashoevës, BNR-“Hristo Botev”/

Përgatiti në shqip: Nataniela Vasileva

Foto: Facebook/onedanceweek

Më shumë nga rubrika

Foto: Facebook/InstitutCulturelBulgare

Java e librit bullgar fillon në Paris

Instituti Kulturor Bullgar në kryeqytetin francez shënon Ditën e Arsimit dhe Kulturës Bullgare 24 maj me shtatë ditë kushtuar librit bullgar. Nga data 18 deri më 25 maj do të prezantohen mbi 100 tituj nga autorë bashkëkohorë bullgarë , botuar..

botuar më 22-05-17 4.42.MD

Bullgaria është sërish pjesë e Natës Evropiane të Muzeve

Për vit të 18 të radhës institucionet kulturore bullgare aderohen ndaj iniciativës evropiane “Nata e Muzeve” më 14 maj. Ideja për këtë ngjarje lindi gjatë vitit 2005 në Francë, nën patronazhin  e Sekretarit të Përgjithshëm të Këshillit të Evropës..

botuar më 22-05-14 8.15.PD

Sofja tregon histori me drita nën qiellin e hapur

Më 6 maj, Bullgaria feston një nga festat e saj më të dashura, ditën e Shën Gjergjit dhe Ditën e guximit, trimërisë dhe Ushtrisë Bullgare.Më 9 maj  Evropa do të shënojë vitin e saj të 72-të të bashkimit dhe unitetit. Në ditët ndërmjet dy festave,..

botuar më 22-05-05 7.15.PD