Brenda një jave do të rritet kapaciteti për kalimin e kamionëve në pikat kufitare Kapitan Andreevo dhe Lesovo në kufirin me Turqinë. Ky është angazhimi i shtetit bullgar, tha Ministri i Transportit Nikollaj Sëbev pas takimeve me Zëvendësministren turke të Tregtisë Tuna Turagaj, përfaqësuesit e autoriteteve në Edrene dhe të doganave të fqinjit tonë jugor. Numri i kamionëve nga Turqia, të përpunuar përmes "Kapitan Andreevo", duhet të rritet në 2000, ndërsa përmes "Lesovo" - në 1000. Për këtë, në pikat e kontrollit do të dërgohen zyrtarë shtesë të Doganës dhe Policisë Kufitare.

Sëbev nuk u takua me transportuesit protestues, të cilët po bllokojnë lëvizjen e kufirit. Protesta është për shkak të radhëve të kamionëve pasi shteti mori kontrollin fitosanitar në kufi.