Reputacioni i mirë i Bullgarisë është falë suksesit tuaj, tha Kryeministri i dorëhequr Kirill Petkov gjatë ceremonisë së dekorimit të mbajtësve bullgarë të medaljeve nga gara ndërkombëtare. Ai u dha fleta nderi nxënësve dhe udhëheqësve të tyre për arritjen e rezultateve të larta në olimpiada ndërkombëtare. Deri më tani këtë vit, ekipet bullgare të shkencave natyrore fituan 23 medalje nga olimpiada ndërkombëtare në matematikë, biologji, kimi dhe fizikë. Kemi 5 medalje ari, 9 argjendi dhe 9 bronzi.

Ministri i arsimit dhe i shkencës Nikollaj Denkov theksoi se sukseset e arritura nuk janë vetëm për shkak të cilësive natyrore të nxënësve, por edhe të përpjekjeve, punës, këmbënguljes, kureshtjes dhe talentit krijues, i cili u zhvillua falë drejtuesve të ekipeve. “Ju jeni një nga mrekullitë e Bullgarisë në dekadat e fundit. Ju treguat se në një nga kohët më të vështira pas ndryshimeve, vendi ynë ka me çfarë të krenohet.” Me këto fjalë ministër Denkov e përshëndeti nxënësit mbajtës të medaljeve nga olimpiada ndërkombëtare.