11 stacione të transportit publik në Sofje morën një pamje të re. Ato janë pjesë e nismës "Arti për Diplomacinë" (“Art4Diplomacy”) të Petja Ilievës, e cila i shndërroi konstruksionet e tyre në një hapësirë ekspozite me imazhe arkitekturore të ndërtesave interesante nga mbarë bota që janë pak të njohura në Bullgari. Projekti do të zbatohet në dy faza dhe fotografitë e monumenteve të bukura, të përzgjedhura nga akoma 11 misione diplomatike në Bullgari, do të shfaqen në zemër të Sofjes në shtator.
“Nuk do të lodhem të përsërisë se kultura është mjeti më i vjetër dhe më i besueshëm i diplomacisë – është kategorike Petja Ilieva. - Ky është një projekt me të cilin po i mbledh prej 4 vitesh përfaqësitë diplomatike të të gjitha vendeve në Bullgari me synimin për të popullarizuar afërsinë mes kulturave të popujve dhe për të nxjerrë në pah bukurinë në dallimet e tyre. Deri më tani tregonim vetëm folklorin si pjesë e trashëgimisë kulturore. Tani ka ardhur koha që publiku i gjerë, kalimtarët në rrugët e Sofjes, të njihen me trashëgiminë e pasur arkitekturore të vendeve të ndryshme, sepse "Arti për Diplomacinë" ka një qëllim estetik, por edhe edukativ - pasuron njohuritë e qytetarëve, duke e nxjerrë artin në rrugë dhe duke e bërë atë lehtësisht të aksesueshëm nga njerëzit.”
Çdo imazh ka informacion të shkurtër në bullgarisht dhe anglisht. Tregohen peizazhe dhe monumente nga Austria, Zvicra, Italia, Portugalia, Finlanda, Gjeorgjia, Danimarka, Rumania, Republika Çeke, Izraeli dhe Urdhri Sovran i Maltës.
“Njerëzit do të mësojnë fakte interesante nga imazhet e montuara - shpjegon Petja Ilieva dhe tregon sekretet e disa prej tyre:
Austria prezanton kështjellën e Ambras. Në vitin 1564, ajo u bë rezidenca e Arkdukës Ferdinand II të Tirolit, i cili zhvilloi konceptin më të hershëm sistematik për prezantimin e koleksioneve dhe kjo e bëri kështjellën muzeun e parë në botë.
Shtëpia malore Monte Rosa në Alpet Zvicerane është një ndërtesë e teknologjisë së lartë që prodhon 90% të energjisë që konsumon vetë.
Një imazh interesant është Manastiri Xhvari i shekullit të 6-të në Mcheta, Gjeorgji. Është kureshtare që peizazhi - kodrat, kisha, lumi dhe qyteti në sfond ngjajnë në mënyrë të mahnitshme me kryeqytetin e vjetër bullgar Veliko Tërnovo.
Gjatë 10 viteve të fundit, Kopenhaga ka investuar mbi 188 milionë euro në infrastrukturën e çiklizmit. Kjo është arsyeja se pse Danimarka ka zgjedhur për publikun bullgar Urën e Rrumbullakët në Kopenhagë, e cila është vetëm një nga urat e shumta që përdoret nga çiklistët në qytet”.
Bën përshtypje zgjedhja e dy pjesëmarrësve të rinj në projektet e Petja Ilievës. Me rastin e Presidencës Evropiane, Republika Çeke po tregon qendrën historike të qytetit të Çeski Krumlov me një kështjellë të ruajtur mirë të përfshirë në listën e UNESKO-s për arkitekturën e saj gotike, të rilindjes dhe barokut.
Ndërsa Urdhri Sovran i Maltës, i ngatërruar shpesh me Republikën e Maltës, paraqet Villa Magistrale - vilën e Mjeshtrit të Madh, e vendosur në Kodrën Aventina në Romë.
“Nuk do të flas më për të mbajtur elementin e befasisë. Jam e lumtur që marr gjithmonë një përgjigje të shpejtë dhe mbështetje absolute nga misionet e huaja diplomatike. Është e rëndësishme të përmendet se ata sigurojnë materialet dhe financojnë plotësisht zbatimin e projekteve - thekson Petja Ilieva. - Faleminderit BNR-në dhe “Radio Bulgarinë” për prezantimin e të gjitha nismave të “Artit të Diplomacisë”. Nëpërmjet botimeve tuaja në 10 gjuhë, ju i ktheni aktivitetet e "Art4Diplomacy" në ngjarje kulturore me jehonë dhe reklamë të Bullgarisë në të gjitha kontinentet."
Përgatiti në shqip: Vesella Mançeva
Foto: "Art4Diplomacy"
Më shumë se 75 vjet më parë, kishte nevojë që fëmijët e kopshtarëve bullgarë në Sllovaki të shkolloheshin, por diku ku, së bashku me shkencat e tjera, të mësonin historinë dhe kulturën e popullit të tyre në gjuhën e tyre amtare. Kështu, bullgarët nga..
Filmi dokumentar "Vaklusk" i regjisorit Nikollaj Vasilev u shpërblye nga festivali botëror i filmit në Kanë “Remember the Future” /“Mbani mend të ardhmen"/ me statujën "Xixëllonja e Artë" në kategorinë "Filmi artistik më i mirë i drejtësisë..
Prof. Riccardo Picchio (1923 – 2011) është pak i njohur për publikun e gjerë, por ai është një nga studiuesit më të mëdhenj italianë që përktheu autorë klasikë bullgarë në Itali, thotë Veneta Nenkova, themeluese e shkollës bullgare në Romë “Asen dhe..
Deri më 15 shtator, Bulevardi “Vitosha” i kryeqytetit dhe parku përballë Pallatit Kombëtar të Kulturës janë shndërruar në një librari të madhe në..
Janë 4 shfaqje emocionuese të kinemasë bullgare në Paris. Nga data 10 deri më 13 shtator në kryeqytetin francez do të mbahet Festivali i Kinemasë..