Në Bullgari, midis 30-35% e njerëzve e lidhin shqetësimin e tyre psikologjik me problemet në punë.Por jo vetëm.Rreth pandemisë me Covid-19, bllokimet, kriza ekonomike dhe tani lufta në Ukrainë, shëndeti mendor i bullgarëve po përkeqësohet ndjeshëm. “Po vëmë re një rritje të gjendjeve nevrike, si shqetësime paniku, obsesive dhe çdo lloje shqetësimesh të tjera” - tha për Radio Bullgarinë doktoresha Cvetesllava Gëllëbova, psikiatre dhe drejtoreshë e spitalit psikiatrik shtetëror “Shën Ivan Rilski” dhe shton:
“Ky mjedis i një pasigurie, paqëndrueshmërie, kërkesash gjithnjë në rritje ndaj personit për të përballuar vështirësitë, çon në shterimin e energjisë mendore, duke u kthyer në një kusht të favorshëm për shfaqjen e çrregullimeve të ankthit. Tek ne, kemi probleme shumë serioze me mjedisin e punës. Ka të dhëna për këtë se sa persona punojnë pa kontratë pune ose në kushte që nuk korrespondojnë me kontratën e tyre të punës. Nuk janë të paktë dhe njerëzit, të cilët punojnë pa sigurime, me një ditë pune shumë të zgjatur, ose në një mjedis, i cili nuk i përgjigjet kërkesave për llojin përkatës të punës. Nga ana tjetër njerëzit u bënë shumë të nervozuar, të shqetësuar, të pasigurt dhe kjo ndikon seriozisht mbi marrëdhëniet e përbashkëta në vendin e punës. Dhe gjërat vërtiten në një rreth vicioz që kontribuon në rritjen e numrit të çrregullimeve neurotike në vendin tonë.”
Statistikat janë befasuese - 14,5% e bullgarëve vuajnë nga çrregullime mendore në një fazë të jetës së tyre.Sigurisht që jo të gjitha devijimet janë rezultat i stresit në vendin e punës.Ankthi, depresioni, fobitë dhe varësia nga alkooli dhe droga bëjnë pjesë në grupin e të ashtuquajturveçrregullime të shpeshta mendore në vendin tonë, sipas të dhënave të Qendrës Kombëtare të Shëndetit Publik dhe Analizës. Mediat gjithashtu kontribuojnë në mjedisin e pashëndetshëm mendor në shoqëri.
“Sepse mediat vazhdimisht nxjerrin lajme të këqija – thotë doktoresha Gëllëbova.- Është e qartë se shumica e njerëzve informohen nga televizioni, dhe vetë transmetuesit televizivë e pranojnë se lajmet e këqija “shesin”, prandaj janë në radhë të parë. E shikojmë sesi fillojnë lajmet - vrasje, katastrofa të rënda në rrugë, probleme vjedhje...E gjithë kjo ndikon jashtëzakonisht keq mbi shëndetin tonë psikik”.
Sipas doktoreshës Gëllëbova psikika njerëzore “nuk thyhet që sot për nesër”. Shqetësimet shfaqen pak nga pak me kalimin e kohës, ato janë rezultat i grumbullimit të problemeve. Për një kohë të gjatë njeriu mundet që t’i mposhtë, por në një moment të caktuar diçka thyhet dhe paraqiten simptomat e para si djersitje, frymëmarrje të shpejtë, rritje të presionit të gjakut e tjera. Atëherë është mirë që secili prej nesh të kërkojë ndihmë nga një specialist.
Fatkeqësisht, shëndeti mendor është ende një temë tabu në Bullgari.Zakonisht bullgari refuzon të pranojë se ka nevojë për ndihmë në situata të tilla.Problemi është edhe financiar. Sepse Fondi Shëndetësor nuk mbulon shpenzimet e psikoterapeutit. Në fund të fundit, gjendjet shqetësuese mbeten pa ndonjë shërim dhe mund të çojnë deri në pasoja serioze.
Përgatiti në shqip: Nataniela Vasileva
Foto: Pixabay
Në vitin 1979, Bullgaria u bë vendi i tretë në botë, pas Bashkimit Sovjetik dhe SHBA-së, që krijon ushqime kozmike. "Ne kishim gjithçka në dispozicion - fruta, perime, supa dhe të gjitha llojet e shijshme. Një person atje lart nuk e ndjen se është i..
Nxënësi i klasës së shtatë Kallojan Geshev nga shkolla e 125 e kryeqytetit "Bojan Penev" u bë tre herë kampion në llogaritjen e shpejtësisë. Ai fitoi vendin e parë në Olimpiadën e Llogaritjes Mendore, e cila u mbajt online. Kallojan shënoi 243..
Pas vitesh debatesh dhe mosmarrëveshjesh, Parlamenti Evropian më në fund miratoi javën e kaluar Paktin për Migracionin dhe Azilin. Ai prezanton solidaritetin e detyrueshëm midis shteteve anëtare në rast të fluksit të migrantëve dhe trajtim të barabartë..
Dy medalje argjendi fituan ekipet bullgare në Olimpiadën Evropiane të Shkencave Eksperimentale EOES 2024, e cila u mbajt nga 7 deri më 14 prill 2024..
Radio Bullgaria, si program i BNR-së, i botuar në 11 gjuhë, ka një audiencë të shpërndarë në gjashtë kontinente. Një pjesë e saj ka një qëndrim të..
Të lodhur nga kriza politike që vazhdon për të tretin vit me përsëritjen e pafundme të zgjedhjeve parlamentare, bullgarët nuk janë entuziastë për..