Dhjetëra personalitete të njohura nga Bullgaria dhe 11 shtete evropiane u përfshin në një video të re me thirrje ndaj shtetasve të mbështetin fushatën për modernizimin e shkencës duke u dhënë fund eksperimenteve laboratorike mbi kafshë.
Sipas të dhënave të Komisionit Evropian nga viti 2019 gati 11 milionë kafshë u përdorën për eksperimente në industrinë kozmetike dhe farmaceutike në vendet e Kontinentit të Vjetër. Eksperimentet më së shpeshti kryhen mbi minj, peshq dhe zogj, shpesh mbi qen, derra, majmunë ose kuaj. Është shqetësuese që numri i kafshëve eksperimentale në BE nuk po zvogëlohet, edhe pse tani ka shumë mënyra alternative për të kryer me sukses eksperimentet. Megjithatë, përdorimi i indeve të rritura në laborator nuk kërkohet me ligj, dhe kaq shumë shkencëtarë me inerci vazhdojnë të kryejnë eksperimente mizore mbi kafshët.
Ato përdoren për të testuar barna, kimikate, plehra, pesticide, bojëra, preparate shtëpiake, aditivë ushqimorë, kozmetikë ose botoks, për të hulumtuar trajtime dhe operacione, për të prodhuar substanca të ndryshme. Substancat eksperimentale pikohen në sytë e kafshëve, aplikohen në lëkurë, injektohen. Kafshët ushqehen me forcë ose detyrohen të thithin preparate. Gjatë eksperimenteve, kafshët zhvillojnë artificialisht simptoma sëmundjesh, madje edhe ato që shfaqen vetëm te njerëzit (p.sh. sëmundja e Parkinsonit ose skizofrenia) - mësojmë nga faqja e fushatës “Pa dhembje” /bezbolka.bg/.
Një video e re, e dubluar me zëra të njohur nga skena bullgare, bën thirrje për t’u dhënë fund eksperimenteve me kafshë në Bashkimin Evropian. Aktorët Sillvija Petkova, Orlin Pavllov dhe këngëtarja Billjana Llazarova ua japin zërin tre heronjve të fushatës dhe përmes videos u bëjnë thirrje të gjithëve që t’i bashkohen peticionit për të ndryshuar qëndrimin ndaj kafshëve dhe për të ndaluar eksperimentet me to.
Në Bullgari, rregullimi kryesor për përdorimin e kafshëve në laboratorë zbatohet sipas Ligjit për Mbrojtjen e Kafshëve. Ka edhe një sërë organizatash joqeveritare që punojnë edhe për mbrojtjen e kafshëve dhe parandalimin e eksperimenteve jashtë normave ligjore. Në të njëjtën kohë, shkencëtarët që kryejnë eksperimente të ngjashme konfirmojnë se kafshët janë shumë të ndryshme nga njerëzit, kështu që testet mbi to nuk japin shumë garanci. Dallimet anatomike, metabolike dhe qelizore midis njerëzve dhe kafshëve i bëjnë eksperimentet mbi kafshët jo plotësisht të besueshme në lidhje me ndikimin e substancave të testuara në organizmin e njeriut.
Përpilues: Gergana Mançeva
Përgatiti në shqip: Svetllana Dimitrova
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i Dioqezës Shpirtërore të Sofjes. Froni mbeti bosh më 13 mars, kur patriarku i ndjerë bullgar dhe mitropolit..
Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin ekzekutiv të agjencisë ekzekutive "Kërkimi dhe mirëmbajtja e lumit Danub" (IAPPD) në Ruse, Ivelin Zanev...
Ditën e djeshme filloi Shkolla Verore e Gjuhës Bullgare e cila do të zhvillohet në auditoret e Fakultetit të Gjuhëve të Huaja të Universitetit të..
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të..
Traditat frankofone në Bullgari kanë një histori të pasur që daton që nga epoka e Rilindjes Kombëtare Bullgare. Edhe atëherë, kultura dhe gjuha franceze..