Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Llazar Nikollov - një "projekt i lartësuar"

Festojmë 100 vjet nga lindja e kompozitorit

Foto: arkiv

Më 26 gusht u mbushën 100 vjet nga lindja e prof. Llazar Nikollov, një artist me një kontribut të shquar në historinë tonë kulturore, një nga përfaqësuesit e parë të “avangardës muzikore bullgare”.

Veprat e tij janë interpretuar në një sërë vendesh evropiane, SHBA, Rusi etj. Në vitet 1960 ka marrë pjesë me kompozime të tij në festivale prestigjioze të muzikës bashkëkohore në Varshavë ("Vjeshta e Varshavës"), Berlin, Zagreb etj. Ai ka regjistrime në BNR, WDR (Radioja Kombëtare e Gjermanisë Perëndimore) dhe në disa radio stacione të tjera të huaja, partiturat e tij janë publikuar nga Peters dhe Schott-Mainz. Prof. Llazar Nikollov ka qenë edhe mësues shumëvjeçar i leximit të partiturës në Akademinë Kombëtare të Muzikës, dhe në periudhën 1992-99 - kryetar i Unionit të Kompozitorëve Bullgarë.

Që nga fillimi i këtij viti, muzikantët bullgarë të gjeneratave të ndryshme festojnë 100-vjetorin e lindjes së kompozitorit, duke përfshirë veprat e tij në programet e tyre të koncerteve, në albume etj. Opera e tij "Çiçovci" (1971), e kompozuar në bazë të veprës së Ivan Vazovit, e cila nuk ishte vënë në skenë më parë, kishte një premierë të dyfishtë më 2 mars, njëkohësisht në skenën e Operës së Sofjes dhe në Operën Shtetërore - Plovdiv.

“Llazar Nikollov ishte një njeri me një mision që ai e dinte qartë. Për mua ai është një “projekt i lartësuar”, absolutisht i paarritshëm.” Këto janë fjalët e kompozitorit Dragomir Josifov. Si dirigjent, pianist (madje edhe si fagotist), Dragomir qëndron pas shfaqjeve dhe regjistrimeve të shumta të veprave të Llazar Nikollovit. Ai është drejtor muzikor dhe dirigjent i korit në "Çiçovci" të Operës së Plovdivit, ku punon vitet e fundit. U takua me mësuesin e tij të ardhshëm të kompozimit në vitin 1982, si student në Shkollën e Muzikës në Varna, thotë Dragomir dhe shton:

“I luajta një nga kompozimet e mia, të cilën ai e miratoi shumë. Kjo më frymëzoi dhe më gëzoi. Biseduam pak. Dy vjet më vonë (isha në klasën e 11-të) vendosa të bëj një koncert me veprat e tij. Ishte një koncert shumë i bukur, më 22 maj 1984. Salla ishte plot – mе muzikantë nga Varna, prindër të shokëve. Llazar Nikollov erdhi posaçërisht nga Sofja. Ishte një njeri shumë simpatik dhe tërhoqi vëmendjen e audiencës.Ai ishte gjithmonë jashtëzakonisht tolerant ndaj interpretuesve, shumë shpesh theksonte besimin e tij në aftësitë e tyre, imagjinatën, veprimtarinë krijuese. Ai e dinte që muzika e tij ishte shumë më e gjerë se çdo interpretim, ndaj ishte tolerant.”


Dorëshkrimet e Llazar Nikollovit ruhen në Arkivin Qendror të Shtetit, mësojmë nga Dragomir Josifov. Ai vetë ka kopje të panumërta të partiturave, si dhe shënime të shkruara nga mësuesi i tij pas premierave të disa veprave.


ˮLlazar Nikollovi më dha leje të bëj korrigjime, t’i bëja këto vërejtje në partiturat duke punuar me muzikën e tij. Ai e kishte vizionin e tij për ngjyrat, ritmin, të cilin e pasqyronte pas shfaqjes së veprës. Punimet nuk janë relevante pa këto sqarime. Unë kam filluar t'i aplikoj, por është një detyrë e madhe, deri ku do t'ia dal, nuk e di. Jam i lumtur të shoh që shumë të rinj po e luajnë muzikën e tij. Kjo është shumë e bukur sepse ata e zgjedhin vetë këtë muzikë, askush nuk i detyron ta bëjnë. Vetë muzika shkëlqen dhe i tërheq me ndriçimin e saj.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

"Kur të takova" - kitaristi Mirosllav Ivanov me një këngë solo

Mirosllav Ivanov është një kitarist, aranzhues dhe autor i muzikës, i cili është i pranishëm në shumicën e grupeve dhe projekteve më interesante të muzikës bashkëkohore bullgare. Ai gjithashtu ka tre albume solo me muzikë instrumentale -..

botuar më 24-06-11 8.25.PD

"Vera"

Në prag të verës, dy vëllezër - Javor dhe Viktor Georgievi - na ofrojnë këngën e tyre më të re, të titulluar pikërisht kështu - "Vera", nga projekti i tyre i ri SinFin. Vitin e kaluar 2023, Javor dhe Viktor regjistruan albumin e tyre debutues..

botuar më 24-06-10 10.55.PD

Festivali i muzikës elektronike LOST in HILLS në Plovdiv

Në qytetin e Plovdivit, më 8 dhe 9 qershor do të mbahet festivali muzikor për muzikë elektronike me emrin LOST in HILLS. Programi dyditor në kodrën piktoreske të Bunarxhikës përfshin mbi 40 artistë që do të performojnë në tre skena. Publiku do të..

botuar më 24-06-08 3.15.PD