"Më thuaj, o re e bardhë,
nga po vjen, ku ke fluturuar?
i pe oborret e babait tim?
e dëgjove nënën të fliste:
"Çfarë po bën fëmija im i dashur,
duke e ndarë bukën e huaj me njerëz të huaj..."
Kështu fillon kënga e dashur bullgare “O re e bardhë”, me tekst të Ran Bosilekut – pseudonim i Genço Negencovit, shkrimtar, poet, përkthyes bullgar, i cili krijoi vepra të mrekullueshme për fëmijë dhe të rritur.
Titulli origjinal i këngës është “Më thuaj, o re e bardhë” – fjalët e para të vjershës. Vjersha është shkruar në vitin 1916 në Bruksel, ku Genço Negencov ishte student i drejtësisë. Menjëherë pas kësaj, teksti u shndërrua në një këngë të bukur që interpretohej nëpër festa të ndryshme. Flitet se shkrimtari ka qenë shumë krenar që njerëzit e kanë pranuar “O re e bardhë” si një krijim popullor. Madje ai dilte në rrugën ku jetonte (rruga “Mbretit Ivan Asen II, pranë Orllov Most) dhe i pyeste kalimtarët nëse e dinin se kush ishte autori i tekstit. Përgjigjet e tyre: “Teksti është popullor”, i sillnin atij një gëzim shumë të madh.
Ndër interpretuesit e shumtë të "O re e bardhë" janë këngëtarët e njohur Georgi Rafaillov dhe Maria Petrova, "Eva Kuartet" dhe Daniell Spasov, Vanja Kostova, Desi Dobreva, Silvi Vartan dhe Ishtar, si dhe dueti “Doni dhe Momçill”.
Përgatiti në shqip: Vesella Mançeva
“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në një skenë urbane kulturore të përbashkët, krijuese dhe miqësore me mjedisin. Dashamirët e muzikës..
Në fund të qershorit, kur gjithnjë e më shumë e ndiejmë erën e detit, një ekip brezash të ndryshëm ringjallën në një version të ri një këngë nga e kaluara e afërt me titullin - "Erë deti". Në fund të vitit të kaluar, Kalina Batkova, e njohur me emrin..
Atazar (shqiptohet АтазАр), Kris V (shqiptohet Kris Vi) dhe këngëtarja Aleksandra Ivanova prezantuan këngën e tyre të përbashkët "Mbetu" me një video..
Muzika magjike e grupit “Tеrpentina” na emocionon gjithnjë e më shumë kohët e fundit, sidomos pas albumit debutues “Nostalgji”.Ai përmban dhjetë këngë..