Punonjësit në qendrat e urgjencës mjekësore të vendit bllokuan qarkullimin përpara parlamentit. Mjekët, infermierët, paramedikët, shoferët e ambulancave dhe mjekët e ndihmës së shpejtë këmbëngulin për paga më të larta. Ata kërkuan një takim me deputetët për të biseduar për zgjidhjen e problemeve në sektor. “Për punën e natës paguhet 1 levë /0.50 euro/ për orë, kuponët e ushqimit janë 2 leva /1 euro/, që është turp. Për shkak të pagës së ulët, ka shumë pak të rinj që punojnë tek ne në krahasim me pensionistët dhe ata në moshën para pensionit”, tha një protestuese para reporteres së BNR Elena Bejkova.

Protestat e mjekëve po zhvillohen edhe në qytete të tjera të vendit.

Ka edhe grupe të tjera protestuesish përpara ndërtesës së Kuvendit Popullor. Nga Lëvizja civile “BOEC” kërkojnë reformë në drejtësi, burgim për liderin e GERB-it Bojko Borisov dhe inicimin e procedurës për lirimin e presidentit Rumen Radev nga detyra. Partia Popullore “E vërteta dhe vetëm e vërteta” kërkon neutralitetin e Bullgarisë në luftën në Ukrainë.

Prania policore në rajonin e Kuvendit Popullor është e shtuar.