Presidenti Rumen Radev u tha gazetarëve në Bruksel se pret që përfaqësuesit e popullit të kryejnë detyrën ndaj qytetarëve dhe shtetit bullgar dhe të formojnë një parlament. Sipas Radevit, ka shumë probleme që duhet të zgjidhen. Në mesin e tyrejanë ligje të rëndësishme, si dhe punën e një sërë organesh shtetërore që punojnë në përbërje jo të plotë ose punojnë jashtë mandatit të tyre, si Këshilli i Lartë Gjyqësor, Gjykata Kushtetuese dhe Banka Kombëtare Bullgare. “Nëse vazhdojmë kështu, do të çojmë në bllokadë të plotë të shtetit”, shtoi Rumen Radev dhe theksoi se mandatin për formimin e qeverisë mund ta dorëzojë vetëm kur të ketë grupe të strukturuara parlamentare. Radev theksoi gjithashtu, se Qeveria e përkohshme do të përpiqet të parandalojë kalimin e konsumatorëve familjarë bullgarë në tregun e lirë të energjisë elektrike dhe shprehu shpresën se edhe qeveria e ardhshme e rregullt do të punojë në këtë drejtim.

Kreu i shtetit ndodhet në Bruksel për të marrë pjesë në mbledhjen e Këshillit Evropian, në të cilin përfaqëson vendin tonë.