Komisioni këshillëdhënës i qeverisë së Maqedonisë së Veriut, i cili sanksionon emrat e figurave historike të përdorura nga fondacionet dhe shoqatat, nuk ka miratuar krijimin e një shoqate bullgare me emrin "Mbreti Ferdinand". Për televizionin Sitel, kryetari i komisionit, Boban Petrovski, tha se Mbreti Ferdinand “nuk është një personazh pozitiv në kujtesën kolektive të maqedonasve. Ky person ka qenë në krye të shtetit bullgar në një kohë kur janë zhvilluar disa luftëra, të cilat për maqedonasit janë simbol i gjakderdhjes dhe shkatërrimit dhe ne vlerësuam se emri i një personi të tillë do të shkaktonte ndjenja negative te një pjesë e madhe e maqedonasve “, tha Petrovski.

Ferdinandi e sundoi Bullgarinë nga 1887 dhe abdikoi në 1918.