Në javët e ardhshme, Bullgaria do të shpallë një procedurë për zgjedhjen e një furnizuesi të karburantit bërthamor. Aktualisht, dy kompani shprehën dëshirën për të marrë pjesë – ajo amerikane “Westinghouse” dhe ajo franceze “Framatom”. Këtë e tha ministri i energjetikës Rosen Hristov gjatë vizitës së tij në Centralin Atomik Elektrik “Kozlloduj”.

“Furnizimet ruse janë në pikëpyetje. Prandaj jemi të fokusuar tërësisht në burimet evropiane dhe amerikane të derivateve dhe presim që së shpejti të nënshkruhen kontratat”, theksoi Hristov.

Ai tha se pritet që blloku i VI i centralit të rifillojë nga puna deri në fund të kësaj jave.  Blloku u ndalua pasi pas një riparimi u zbulua një rrjedhje hidrogjeni nga sistemi i ftohjes së gjeneratorit të njësisë, e cila nuk kërcënonte sigurinë bërthamore.

• Një rrjedhje në sistemin e ftohjes së një gjeneratori vonon rifillimin e punës së bllokut të VI në Kozlloduj