Gjashtëmbëdhjetë punonjës të Ministrisë së Punëve të Brendshme, përgjegjës për ruajtjen e kufirit bullgaro-turk, do të pësojnë masa disiplinore për rastin në Burgas, ku një autobus me emigrantë të paligjshëm goditi një makinë policie dhe shkaktoi vdekjen e dy policëve. Këtë e njoftoi ministri i brendshëm në detyrë Ivan Demerxhiev. Sipas tij, shkeljet e bëra prej tyre mund të përkufizohen si krime. Në mesin e policëve të arrestuar janë drejtori i Drejtorisë Rajonale “Policia Kufitare” në Burgas, si dhe shefat e Reparteve të Policisë Kufitare në Burgas dhe Mallko Tarnovo. Të gjithë punonjësit e akuzuar tashmë u larguan nga pozitat e tyre dhe raporti i kontrollit të kryer i është dorëzuar prokurorisë.

• Janë marrë masa për kufizimin e trafikimit të paligjshëm të qenieve njerëzore