Të shtunën e parë para Ditës së Kryeengjëllit Mihail /8 Nëntor/, të krishterët ortodoksë kremtojnë Ditën e të Vdekurve. Kjo është Dita e fundit e të Vdekurve nga tre festat e përcaktuara nga Kisha Ortodokse për të nderuar të vdekurit. Sipas kanunit, Dita e të Vdekurve është gjithmonë ditën e shtunë, e cila, si rregull, u është kushtuar të vdekurve. Pas liturgjisë së të shtunës mbahet një përkujtimor, në të cilin laikët luten së bashku për prehjen e shpirtrave të të dashurve të tyre që kanë kaluar në jetën e përtejme.
Që nga e premtja, para Ditës së të Vdekurve, të krishterët vizitojnë varret e të afërmve të tyre që janë larguar nga kjo botë. Ata i pastrojnë, djegin temjan mbi to dhe i zbukurojnë me lule. Më në fund, besimtarët hedhin ujë dhe verë të kuqe mbi varrin me shenjën e kryqit dhe ndezin një qiri, si simbol i pavdekësisë së shpirtit. Temjani simbolizon lutjen e pastër, dhe lulet - virtytet e të ndjerit. Në ditën e Shën Kryeengjëllit Mihail, si dhe në ditët e tjera të të Vdekurve, shtrohen tavolina të përbashkëta, në të cilat vendosen shtatë pjata të ndryshme (mes tyre edhe gjellë të dashura të të vdekurit), për të "dëgjuar" bekimin e të vdekurve para Agjërimeve të Krishtlindjeve, të cilat fillojnë më 15 nëntor. Të mbledhurit e shpërndajnë ushqimin mes tyre me fjalët “Zoti fal”. Njerëzit e moshuar thonë se nëse në këtë ditë shihni një mushkë ose një flutur që gumëzhin rreth jush, atëherë shpirti i të ndjerit ka ardhur.
Përpiloi: Gergana Mançeva
Përgatiti në shqip: Vesella Mançeva
E quajnë Virgjëreshën e Shenjtë Nëna e Jetës së vërtetë, e cila me lutjet e saj shpëton shpirtrat e njerëzve nga vdekja. Ajo është më e dashura dhe më e lavdëruara pas Zotit, tek e cila të gjithë i drejtohen. Kisha e nderon atë më 15 gusht, Ditën e..
Dy kisha me emrin e Shën Nikollës ngrihen në një oborr në fshatin Vlladimirovo në rajonin e qytetit Montana të Bullgarisë Veriperëndimore. Njëra është ortodokse dhe tjetra katolike, gjysmë e rrënuar. Tempulli katolik u ndërtua në vitet 1422-1423 nga..
Pasi në vazhdim të shumë viteve një nga urat emblematike të ndërtuara nga mjeshtri murator Koljo Fiçeto shkatërrohej, aktualisht ajo është gati të mirëpresë sërish turistët. Hapja e saj zyrtare do të bëhet brenda pak ditësh - më 23 gusht...
Një tempulli trak nga shekulli III para Krishtit pa analog në vendin tonë mund të shndërrojë 10 hektarë të zonës "Jug" ("Juzhen") të Plovdivit në..