Një nëpunës i “Policisë Kufitare” humbi jetën pasi u qëllua me armë zjarri gjatë patrullimit në kufirin me Turqinë në zonën e fshatit Goljam Dervent, i cili është afër pikës kufitare Lesovo – Hamzabejli. Ngjarja ka ndodhur të hënën rreth orës 20:35, në patrullë kishte një oficer i Policisë Kufitare dhe një ushtarak.

Ministria e Brendshme njoftoi për BNR se në brazdën kufitare u zhvillua një takim me autoritetet turke për rastin, pasi supozohet se kryesi ishte në territorin e Turqisë. Muajt ​​e fundit vërehen shumë emigrantë në Goljam Dervent, fluksi është rritur, për këtë arsye u forcuan edhe ekipet e patrullimit në zonë, sqaroi kryetari i fshatit, Ivan Fransëzov.

Para BNR Valentin Popov, kryetar i Federatës Sindikale të Punonjësve të Policisë bëri thirrje për një numër të mjaftueshëm nëpunësish të rinj të trajnuar posaçërisht të fillojnë punë në seksionet e rrezikuara të kufirit dhe t’i jepet fund praktikës së dërgimit  të oficerëve përgjatë kufirit nga brendësia e vendit.

Ministri i Punëve të Brendshme Ivan Demerxhiev anuloi shënimin zyrtare të festës së policisë kombëtare, e cila bie në ditën e Kryeengjëllit Mihaill – 8 nëntorit.