Gjykata vendosi masën e paraburgimit të përhershëm për 37-vjeçarin Zahari Shulev, banues në Sofje, i akuzuar për dhunë ndaj një qeni endacak. Vendimi i gjykatës u prit me duartrokitje nga dhjetëra mbrojtës të kafshëve, të cilët u mblodhën një orë para procesit para ndërtesës së Gjykatës. Gjyqtarët e motivuan vendimin e tyre me faktin se Shulev mund të jetë i dhunshëm ndaj një kafshe tjetër kur është i lirë. Burri u ndalua pasi organizata joqeveritare për mbrojtjen e kafshëve Animal Rescue Bulgaria shpërndau në rrjetet sociale një video nga një kamera sigurie, ku shihet se si njeriu josh një qen me ushqim dhe e merr me vete. Disa orë më vonë ai e ktheu atë me fraktura dhe prerje. Organizata publikoi videon pasi autoritetet e zbatimit të ligjit nuk iu përgjigjën raportit të saj dy javë. Fqinjët thonë se ky nuk është rast i izoluar për Shulev.

Fati i qenit endacak Meço nga lagjja “Karpuzica” e kryeqytetit shkaktoi një stuhi indinjate publike dhe një sërë protestash. Sipas protestuesve, organet ligjzbatuese nuk i kushtojnë vëmendje dhunës ndaj kafshëve, megjithëse sipas legjislacionit bullgar konsiderohet krim dhe ky agresion mund të kalojë edhe te njerëzit.