Programi i ditës
Madhësia e tekstit
Radioja Kombëtare Bullgare © 2023 Të gjitha të drejtat janë të rezervuara

Pas kuizit të Radio Bullgarisë

Paneuritmia e Petër Dënovit është një filozofi dhe një valle gëzimi

7
Foto: EPA/BGNES

Kush e aplikoi praktikën mbarëbotërore të shëndetit mendor dhe fizik të Paneuritmia? Këtë pyetje ju bëmë në kuizine radhës të Radio Bullgarisë. Dhe përgjigjet tregojnë se audienca jonë shumëgjuhëshe ndjek rregullisht median tonë dhe është e mirëinformuar për të tashmen dhe të shkuarën e vendit tonë.

Lexuesit e faqeve tona në bullgarisht dhe greqisht dolën të ishin më të diturit. Përkatësisht 92% dhe 80% e tyre treguan përgjigjen e saktë në kuizin tonë - Paneuritmia u krijua nga bullgari Petër Dënov. 78% e audiencës sonë frëngjisht-folësegjithashtu janë përgjigjur saktë. Ka hezitim tek audienca jonë në turqisht dhe shqip, të cilët kanë nominuar Petër Dënov dhe Ivan Rillski pothuajse me një numër të barabartë votash. Por në përgjithësi, personaliteti i udhëheqësit tonë shpirtëror bullgar është i njohur ndër miqtë e Radio Bullgarisë.

Kush është bullgari Petër Dënov?

E quajnë atë "Mësuesi" ose "Beinsá Dunó". Ai lindi në vitin 1864 në fshatin Hadërça të Varnës në familjen e një prifti, mbaroi shkollën e mesme në Svishtov dhe shkoi në SHBA, ku studioi teologji dhe mjekësi në Universitetin e Bostonit. Pas kthimit në Bullgari, Petër Dënov, së bashku me njerëz me mendje të njëjtë, themeluan shoqërinë e Vëllazërisë së Bardhë - një mësim fetar-ezoterik që fitoi popullaritet të gjerë në mbarë botën, duke frymëzuar mijëra ndjekës. Midis tyre është edhe vetë Albert Ajnshtajni, i cili deklaroi: “E gjithë bota përkulet para meje, unë përkulem para Mjeshtrit Petër Dënov nga Bullgaria.” Dënov është autor i mijëra bisedave dhe leksioneve filozofike, si dhe i 150 veprave muzikore. Megjithatë, ai është i njohur në botë më së shumti si krijuesi i vallëzimit mistik Paneuritmia.

Më shumë për personalitetin e ndritur të Petër Dënovit:

Çfarë është Paneuritmia?

Është një sistem kompleks ushtrimesh muzikore gjimnastike ose kërcimi që harmonizon shpirtin dhe trupin me natyrën. Vetë etimologjia e fjalës "paneuritmia" do të thotë një ritëm universal kozmik, prandaj vallëzimi u krijua në bazë të lëvizjes së trupave qiellorë dhe ndërthur performancën e 28 hapave dhe lëvizjeve të lëmuara me muzikë dhe tekst të bukur. Danovistët janë të veshur me veshje të bardha, kërcejnë në një rreth në çift duke ndjekur ritmin e melodisë. Muzika kryhet kryesisht me violinë, sepse ajo konsiderohet si instrumenti më i afërt me zërin e njeriut.


Sipas Petër Dënovit, Paneuritmia ka ndikim në psikikën dhe gjendjen tonë fizike.

Ai pohon se ajo përmirëson lëvizshmërinë dhe funksionet tona të frymëmarrjes, forcon muskujt dhe normalizon presionin e gjakut. Kërcimi ndikon edhe në psikikën tonë, sepse realizohet në sfondin e lindjessë diellit në natyrë, lëvizjet janë të qeta, relaksuese dhe ndjekin ritmin e muzikës, shoqëruar me një tekst me mesazhe shpirtërore. Kështu, ne e luftojmë stresin në mënyrë të padukshme dhe hyjmë në një gjendje pushimi të thellë, kujtesa jonë përmirësohet dhe mendimet tona renditen.

Petër Dënov rekomandonte që Paneuritmia të kryhej në natyrë në pranverë dhe verë.

Atëherë, sipas “Mësuesit”, energjitë në natyrë ngarkohen fort me një ngarkesë pozitive dhe ajri dhe drita e pastër hyjnë lirshëm në trup dhe e rinovojnë atë.

Performanca më e madhe dhe spektakolare e ritualit zhvillohet çdo vit më 19 gusht. Në këtë ditë, mijëra njerëz nga e gjithë bota, të frymëzuar nga mësimet e Petër Dënovit, mblidhen në rajonin e Liqeneve të Rillës për të mirëpritur së bashku të ashtuquajturin “Viti i Ri Diellor”.

Ata kërcejnë në një rreth dhe kryejnë 28 lëvizjet e Paneuritmia, fytyrat e tyre ndriçojnë me lumturi dhe paqe. Sepse dënovistët besojnë se lindja e diellit në këtë ditë ka një efekt magjik, dhe Liqenet e Rilës janë një vend veçanërisht energjik. Në këtë mënyrë, ata që kryejnë Paneurtimian ngarkohen me forcë shpirtërore dhe fizike për 12 muajt e ardhshëm.

Banorët e Sofjes ngarkohen me energji pozitive dhe në të ashtuquajturin“Kopshti i Mësuesit” në lagjen “Iztok” të kryeqytetit, ku në vitin 1944 u prehën eshtrat e Petër Dënovit. Vendi rrezaton një qetësi të veçantë, sikur shpirti i tij është ende mes njerëzve.

Гробът на Петър Дънов в квартал „Изток“

Shikoni më shumë:

Ju ftojmë të merrni pjesë edhe në kuizin e ri të Radio Bullgarisë: Me cilën festë lidhet zakoni “survakane” me degëza të dekoruara të drurit të thanës të quajtur survaçki?

Përgatiti në shqip: Vesella Mançeva

Foto: EPA/BGNES, arkiv, petardanov.com


Më shumë nga rubrika

Çfarë dimë për strukturat megalitike të malit Sërnena Sredna Gora?

“Porta Diellore”, “Gurët e Pingultë”, “Shenjtërorja e Jargavanit”, “Veza e Kuçedrës” ... - të gjithë këta janë emra të megaliteve trake të shpërndara në malin Sërnena Sredna Gora. Disa nga këto objekte të lashta janë eksploruar dhe tashmë janë të..

botuar më 23-01-29 2.35.MD
Maja Shablla në malin Tangra në ishullin Livingston

Akullnaja Kaliakra, Ujëvara e Akullit Ruen, Bregu Baba Marta – qindra vende në Antarktidë mbajnë emra bullgarë

Më 27 dhjetor të vitit të kaluar, për herë të parë, një anije kërkimore shkencore bullgare – “ Shënjtor Kirill dhe Metodij” - u nis drejt Oqeanit Botëror për të mbërritur në Antarktidë si pjesë e Ekspeditës së 31-të bullgare në Antarktidë ...

botuar më 23-01-22 2.10.MD
Përballë Klubit Çekosllovak në Sofje, 1964  

Foto: Klubi Çekosllovak „T.G. Masarik“

Në shekullin e XIX-të, një koloni e fuqishme çeke dhe sllovake u vendos në Bullgari, e udhëhequr nga ndjenja e unitetit sllav

Organizata e parë e çekëve dhe sllovakëve në Bullgari ka një histori 130-vjeçare. Sipas informacioneve historike, në vitet 80-të shekullit të XIX-të, në Sofje kishte tashmë rreth 100 çekë. Por në atë kohë ata nuk kishin ende një organizatë dhe..

botuar më 23-01-22 12.05.MD