Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Skepticizëm tek forcat politike pas dorëzimit të mandatit të tretë të BSP-së

Foto: BGNES

Pas marrjes së mandatit të tretë për formimin e kabinetit në kuadër të Legjislaturës së 48-të të Kuvendit Popullor, këtë javë socialistët do të vendosin se nga cilat formacione dhe për cilat tema do të kërkojnë mbështetje. Megjithatë, për momentin shumica e partive parlamentare janë skeptike për formimin e një kabineti të rregullt me ​​mandat të BSP-së dhe shprehin habi për zgjedhjen e presidentit Rumen Radev.

Grupi parlamentar i GERB-SDS do të vlerësojë se çfarë do të jetë sjellja e tij pasi veprimet e BSP të bëhen të qarta, komentoi kryetarja e grupit Desisllava Atanasova në Ruse. Mirëpo, kreu i SDS-së, Rumen Hristov, ishte kategorik: “Nëse na ftojnë në takim, do të marrim pjesë, por mos prisni mbështetje nga SDS për BSP-në”.

“Po e vazhdojmë ndryshimin” do të marrë pjesë në mbledhjen e lidershipit të propozuar nga BSP-ja, tha Daniell Llorer. Ai shtoi se është e qartë paraprakisht se për tema të tilla si zhvillimi ekonomik dhe lufta kundër pabarazisë sociale, të dy formacionet mund të arrinin një marrëveshje, por për të tjerat - lufta në Ukrainë dhe Kodi Zgjedhor, dallimet në pozicionet e tyre janë serioze.

Ramadan Atallaj tha të dielën se nëse ftohen, DPS-ja janë të gatshme të takohen me të majtën, por sipas tij, po ecim me vendosmëri drejt zgjedhjeve të reja.

“Presidenti bën të njëjtën gjë për dy vjet me të njëjtin rezultat - ecje në zgjedhje dhe qeverisje të një kabineti teknik”, komentoi për BNR Hristo Ivanov, bashkëkryetar i “Bullgarisë Demokratike”.

Lideri i “Vëzrazhdane” Kostadin Kostadinov i caktoi si zero shanset e BSP-së për të formuar kabinet me mandatin e tretë. Ai deklaroi se nuk do të marrë pjesë në një takim të përbashkët me liderët e partive parlamentare, por vetëm në një takim dypalësh. Kostadinov kërkoi edhe mbështetje nga BSP për thirrjen e referendumit për ruajtjen e levës bullgare.

Nëse përpjekja e tretë dhe e fundit për të formuar një kabinet dështon, presidenti do të duhet të shpërndajë parlamentin, të emërojë një qeveri të përkohshme dhe të caktojë një datë për zgjedhjet e reja parlamentare, ndoshta në pranverë.



Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 12 shkurtin

Paraditen e së mërkurës do të ketë ulje të dukshmërisë vende-vende në fusha dhe lugina. Temperaturat minimale do të lëvizin nga minus 10 deri në minus 4°, në disa lugina deri në minus 14°. Në Sofje do të jetë rreth minus 10°. Gjatë ditës në Bullgarinë..

botuar më 25-02-11 7.35.MD
Aeroporti i Sofjes

Aeroportet ndërkombëtare në Bullgari do të pajisen me sisteme anti-drone

Ministri i Transportit dhe Komunikacioneve, zëvendëskryeministri Grozdan Karaxhov dhe përfaqësuesit e aeroporteve në Sofje, Varna, Burgas, Plovdiv, Gorna Orjahovica, Drejtoria e Trafikut Ajror dhe Drejtoria e Përgjithshme e Administratës së Aviacionit Civil..

botuar më 25-02-11 5.54.MD

Rada ukrainase miratoi blerjen e reaktorëve bërthamorë rusë nga centrali atomik bullgar “Belene”

Rada e Ukrainës ka miratuar sot blerjen nga Bullgaria të dy reaktorëve për zgjerimin e centralit të Hmelnitskit, raportojnë mediat bullgare. Reaktorët që vendi ynë bleu në 2015 nga Rusia për centralin e parealizuar bërthamor “Belene” iu ofruan Kievit në..

botuar më 25-02-11 3.51.MD