Në takimin e lidershipit në parlament mes Partisë Socialiste Bullgare (BSP), GERB, Lëvizjes për të Drejtat dhe Liritë (DPS) dhe "Ngritja Bullgare" nuk u arrit marrëveshje. "Po e vazhdojmë ndryshimin", "Bullgaria Demokratike" dhe "Vëzrazhdane" nuk pranuan të marrin pjesë. Në fillim të takimit, Kornelija Ninova theksoi katër çështje të rëndësishme - ligjet për Planin e Rimëkëmbjes, për buxhetin e vitit 2023, hyrja jonë në Shengen dhe reforma në drejtësi . Lideri i GERB-it, Bojko Borisov, theksoi se nuk ka pengesa dhe vija të kuqe për formimin e qeverisë, por nuk mund të shkelet vendimi i GERB-it që të mos mbështesë mandatin e BSP-së. Megjithatë, ai premtoi se do të bisedojë me kolegët për ndryshimin e këtij vendimi, sepse rezultatet e zgjedhjeve të ardhshme nuk mund të jenë të ndryshme, por BSP-ja ka ndryshuar. Kreu i DPS-së, Mustafa Karadajë, theksoi se po shkojmë drejt zgjedhjeve të parakohshme, për shkak të mungesës së dialogut mes partive në parlament. Nga ana e tij, Stefan Janev, kryetar i "Ngritjes Bullgare" komentoi se takimi i lidershipit ka qenë i rëndësishëm, por i vonuar. Pas bisedimeve mes forcave parlamentare që iu përgjigjën ftesës së BSP-së, kryetarja e së majtës, Kornelija Ninova, theksoi se zgjedhjet e parakohshme janë të pashmangshme.