Deputetët e Komisionit të Mbrojtjes miratuan në leximin e dytë amendamentet e Ligjit për Mbrojtjen dhe Forcat e Armatosura të Bullgarisë për përmbushjen e detyrimeve kushtetuese të Forcave të Armatosura Bullgare, detyrimeve aleate të vendit tonë në NATO dhe angazhimeve sipas Politikës së Përbashkët të Sigurisë dhe Mbrojtjes të Bashkimit Evropian. Rregullohen edhe rastet e pjesëmarrjes së forcave të armatosura në përbërjen e formacioneve ushtarake shumëkombëshe gjatë operacioneve, misioneve dhe nismave të tjera ndërkombëtare në territorin e vendit.

Përveç kësaj, ndryshimet rregullojnë menaxhimin operativ, kontrollin kombëtar dhe transferimin e kompetencave për të menaxhuar formacionet kur ato kryejnë detyra në territorin e Bullgarisë. Parashikohen edhe kushtet e pjesëmarrjes së ushtarakëve bullgarë në misionet ndërkombëtare në vendin tonë.