Në një takim me shefin e Zyrës për Koordinimin e Sanksioneve në Departamentin Amerikan të Shtetit, Jim O’Brien, presidenti Rumen Radev diskutoi për sanksionet e vendosura ndaj qytetarëve bullgarë si pjesë e veprimeve të SHBA-së dhe Britanisë së Madhe për mbrojtjen e sistemeve të tyre financiare, njoftoi qendra e shtypit e presidencës. “Modernizimi i Bullgarisë kërkon transparencë të procesit legjislativ dhe punë efektive të sistemit gjyqësor”, tha kreu i shtetit. Ai shprehu vlerësimin e tij për mbështetjen ndërkombëtare që merr vendi ynë në luftën kundër korrupsionit. Ai theksoi gjithashtu nevojën që Kuvendi i ardhshëm Popullor të bëjë prioritet miratimin e legjislacionit kundër korrupsionit, si dhe ekzistencën e partneritetit dhe shkëmbimit të informacionit ndërmjet institucioneve ligj-zbatuese dhe aleatëve tanë në luftën kundër korrupsionit.

Në bisedimet në institucionin presidencial asistuan edhe nënpresidentja Ilijana Jotova dhe ambasadorët e SHBA-së dhe Britanisë së Madhe Hero Mustafa dhe Rob Dixon.

• Një ambasador për sanksionet nga Departamenti Amerikan i Shtetit vjen në Sofje