Nxënës nga Bosilegrad fituan çmimin e dytë për kamera dhe qasje krijuese në Festivalin e tetë të Videove për fëmijë KIDIKEM, i cili u mbajt në Beograd, njoftoi shoqata “Zëri”. Të dalluarit janë nga shkolla e animacionit “Manime”, me në krye Lubisha Penev. Ata u prezantuan me filmin “Tregimet e Bosilegradit”. Filmi 7 minutësh pa tekst tregon për traditat dhe zakonet në Bosilegrad. E kaluara dhe e tashmja janë të krahasuara me shkathtësi dhe kreativitet. Nëpërmjet animacionit prezantohet edhe problemi i dhimbshëm i rajonit lidhur me ndotjen e ujit, për shkak të nxjerrjes së metaleve me ngjyra dhe të çmuara. “Nxënësit bënë një punë të shkëlqyer. Duke punuar me këta fëmijë të talentuar, ne vazhdimisht jemi duke u përmirësuar, duke kërkuar qasje dhe teknika të reja”, tha Ljubisha Penev.

•   Ivan Nikollov: Po humbasim “luftën” 100 vjeçare për mbijetesën e bullgarëve në Krahinat Perëndimore