Ministrat e mbrojtjes të SHBA-së dhe Rusisë, Lloyd Austin dhe Sergej Shojgu folën me telefon në lidhje me incidentin me dronin amerikan që ra në Detin e Zi, njoftuan Reuters dhe TASS. Biseda u zhvillua me iniciativë të Shteteve të Bashkuara. Sipas një komunikate të mëvonshme të Ministrisë së Mbrojtjes të Rusisë , Shojgu ia bëri të qartë Austin se Rusia do t’u përgjigjet proporcionalisht provokimeve rreth kufijve të saj.
“Fluturimet e mjeteve ajrore strategjike amerikane pa pilot në brigjet e Krimesë kanë një natyrë provokuese, e cila krijon kushtet për një përshkallëzim të situatës në zonën e Detit të Zi”, tha ai. Nga ana e tij, Austin komentoi në një konferencë shtypi se: “Shtetet e Bashkuara do të vazhdojnë të fluturojnë dhe të operojnë kudo që e lejon ligji ndërkombëtar”. Ai i kërkoi Moskës që të drejtojë avionët e saj ushtarakë në një mënyrë të sigurt dhe profesionale. Uashingtoni beson se një gjuajtës rus goditi helikën e aeroplanit mbikëqyrës pa pilot të SHBA-së, ndërsa Moska mohon të ketë pasur kontakt mes dy avionëve dhe ia atribuon incidentin një manovre të mprehtë nga SHBA. Incidenti ishte konfrontimi i parë i drejtpërdrejtë midis Shteteve të Bashkuara dhe Rusisë që nga fillimi i luftës në Ukrainë.
Këshilli i Ministrave nuk diskutoi një kontratë të re midis Bullgarisë dhe Ukrainës për ofrimin e ndihmës ushtarake, njoftoi shërbimi për shtyp i qeverisë. Kabineti propozon që çdo ndihmë e mëtejshme ushtarake për vendin e sulmuar të votohet sërish nga Kuvendi Popullor. “Thëniet se po përgatitet një marrëveshje e re me Ukrainën për sigurimin e armatimeve janë manipuluese”, komentoi ministri i mbrojtjes Dimitër Stojanov. Sa i përket vizitës së komisionerit evropian për tregun e brendshëm, Tieri Breton, vendi ynë është i interesuar të rrisë kapacitetet e industrisë sonë të mbrojtjes dhe mirëpret mbështetjen e BE-së, por në asnjë mënyrë nuk është i përkushtuar për furnizimin me armë Ukrainës, theksohet në mesazhin e kabinetit. Bashkimi Evropian po zhvillon një skemë për prodhimin më të madh të armëve dhe municioneve për të mbështetur ushtrinë ukrainase. Plani ofron ndihmë për 15 kompani armësh në 11 vende.
Ndihma humanitare e ofruar nga Bullgaria për popullsinë civile të Gazës u nis me kamionë për në rajon më 29 qershor, njoftoi në Facebook Ambasada Bullgare në Jordani.Dërgesa përfshin ushqime, ilaçe, tenda dhe mallra të tjera thelbësore. Ato do t'u..
Këshilli Atlantik i Bullgarisë u bëri thirrje të gjithë "deputetëve me orientime euroatlantike" të mbështesin kabinetin e propozuar nga GERB-SDS. Në qëndrimin e Këshillit thuhet: “Nëse “Po e vazhdojmë ndryshimin – Bullgaria Demokratike” nuk..
Kryetari i Kuvendit të Kosovës, Glauk Konjufca, priti Ambasadorin e Bullgarisë në Prishtinë, Hristo Guxhev, njoftoi agjencia KosovaPress për BTA. Duke falënderuar shtetin bullgar për mbështetjen ndaj Kosovës, KonJufca shprehu kënaqësinë për..
Kryetari i Kuvendit të Kosovës, Glauk Konjufca, priti Ambasadorin e Bullgarisë në Prishtinë, Hristo Guxhev, njoftoi agjencia KosovaPress për BTA. Duke..
Çështja nuk është nëse Ukraina do të anëtarësohet në NATO, por kur do të ndodhë. Përgjigja varet nga fusha e betejës dhe aftësia për të arritur paqen e..
“Është e qartë se kriza politike vazhdon dhe zgjidhja e saj kërkon jo vetëm lënien mënjanë të interesave personale dhe partiake, por kërkon edhe sjelljen..