Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festa e qytetit Kjustendill është një rast për të kujtuar këngëtaren Ollga Borisova

Kënga “Jana e bukur” është në interpretim të një prej zërave emblematikë të rajonit të Kjustendillit

Ollga Borisova
Foto: Bashkia e qytetit Kjustendill

21 marsi është dita e qytetit Kjustendill të Bullgarisë Jugperëndimore. Festa njihet si Pranvera e Kjustendillit dhe rikrijon një traditë të lashtë lokale që ndërthurte praktikat e kultit të trakëve dhe romakëve në nderimin e tyre ndaj hyjnive diellore dhe shëruesve Asklepius, Higija, Telesfor, Apollon dhe Dionisi me interpretimet e legjendës së krishterë të të dyzetë martirëve të shenjtë dhe shenjtëroren e kushtuar atyre në kodrën e ngritur mbi qytet Hisarllëka.

Në vitin 1966 filloi tradita e zgjedhjes së një vajze “Pranvera e Kjustendillit” e shoqëruar nga dy vajza të tjera. Vajzat simbolizojnë hapin e butë me të cilin vjen pranvera - rinia dhe shpresa e re, si tri Hariti (perëndeshat e bukurisë dhe haresë) nga pllakat e lashta të shenjta të gjetura nën Hisarllëka.

Festa “Pranvera e Kjustendillit” është edhe konkursi i parë në vendin tonë për vajzën më të bukur. Këtë vit, në prag të festës së qytetit, u zgjodh edhe fituesja e 56-të e titullit - kjo është Monika Jordanova.

Monika Jordanova (në mes) dh vajzat shoqëruese

Në rubrikën tonë “Kënga e ditës”, zgjodhëm një melodi popullore nga rajoni i qytetit Kjustendill, përfaqësuesja më e spikatur e së cilës është këngëtarja popullore Ollga Borisova. Në vitin 2021, para “Radio Bulgarisë”, në një nga daljet e saj të fundit në media para se të largohej nga kjo botë, Ollga Borisova u shpreh:

“Në rininë time gjithnjë nuk kisha kohë... tani e vlerësoj sa lumturi e madhe ishte të këndoja këngë popullore bullgare gjatë gjithë jetës sime. I jam mirënjohëse dhe i përulem gjeniut krijues të popullit tonë!”.

Për dekada, Ollga Borisova ishte soliste e Ansamblit të famshëm të Këngëve Popullore pranë BNT dhe BNR, i cili fitoi famë botërore me emrin “Misteri i zërave bullgarë”. Qindra këngë të saj ruhen në fondin e BNR dhe BNT dhe zëri i saj tingëllon në albumet e producentit zviceran Marcel Selye, njëri prej të cilëve u nderua me çmimin prestigjioz të muzikës amerikane “Grammy” në vitin 1991. Në vitin 1994, emri i këngëtares Ollga Borisova u përfshi në Enciklopedinë Botërore të Muzikës, botuar në Londër. Ajo është qytetare nderi e Kjustendillit dhe mbajtëse e Medaljes së Nderit të Presidentit të Republikës së Bullgarisë.

Kënga, me të cilën do të dëgjojmë Ollga Borisova, titullohet “Jana e bukur”, një baladë e mrekullueshme që zbulon pikëllimin e një vajze të re për të dashurin e saj, i cili u bë luftëtar për liri dhe drejtësi dhe “vrapoi në pyllin e dendur” dhe këshillën e skifterit, me të cilin fliste vajza: “Shko tek ai për të valëvitur flamurin me guxim”.

Redaktor: Krasimir Martinov

Përgatiti në shqip: Svetllana Dimitrova

Foto: Bashkia e qytetit Kjustendill





Последвайте ни и в Google News Showcase, за да научите най-важното от деня!

Më shumë nga rubrika

Muzika dhe artet takohen nën yjet në rajonin e qytetit malor Trojan

Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..

botuar më 24-07-31 2.15.MD

"Një hap më afër" rikrijon një histori të vërtetë, shumë romantike

Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..

botuar më 24-07-31 6.35.PD

"Ti më premtove" – një këngë nga Konkursi "Burgas dhe Deti" 2024

Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..

botuar më 24-07-26 2.45.MD