Dy formacionet më të mëdha parlamentare - GERB-SDS dhe “Po e vazhdojmë ndryshimin - Bullgaria Demokratike” po përgatisin një program të përbashkët legjislativ që do t'ua prezantojnë forcave të tjera politike në Kuvendin Popullor pas Pashkëve, njoftoi reporterja e BNR Marija Fileva. Të përbashkëta për GERB-SDS dhe PP-DB rezultuan të ishin ligjet për reformën në drejtësi, Eurozonën dhe Shengen. Mazhoranca do të kërkohet edhe për ndryshimet kushtetuese. U vu në dukje gjithashtu nevoja për një qeveri të rregullt. Udhëheqësi i GERB Bojko Borisov tha se dëshiron të formojë një qeveri me PP-DB. Është e qartë për të gjithë ne që Bullgaria të kthehet në regjimin e qeverisjes parlamentare duhet të ketë një qeveri të rregullt. A do të jetë e mundur të gjendet një formulë, që kjo të ndodhë, nuk mund të thuhet tani për tani, tha bashkëkryetari i “Bullgarisë Demokratike” Hristo Ivanov. Sipas tij, detyra e parë tani është zgjedhja e kryetarit të Kuvendit Popullor.

• Pritet që kryetari i Kuvendit Popullor të zgjidhet pas Pashkëve
• Parlamenti kuvendoi formalisht për më pak se një minutë