“Problemi i fermerëve nuk ka të bëjë me importin nga Ukraina, i cili është minimal - 0.3% e prodhimit bullgar. Këtë e mendon Georgi Angellov, ekonomist në Institutin “Shoqëria e Hapur”. “Nëse ndalet importi i drithit ukrainas, do të shihet se kjo nuk ka efekt”, tha ai për BNR. Sipas tij, çmimi i grurit do të vazhdojë të bjerë nën presionin e korrjes së re të pritshme, ndërsa në vitin 2022, sipas tij, ajo u fry artificialisht në tregjet botërore dhe bullgare. “Bullgaria prodhon midis 6 dhe 7 milion ton drithë dhe konsumon vetëm 1.5 milion ton. Ne jemi një eksportues i madh i drithit dhe nuk ka mundësi që çmimi në Bullgari të jetë më i lartë se çmimi botëror”, komentoi Angellov.