Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ruajtja e programit bullgar në radio SBS bashkoi diasporën tonë në Australi

Foto: BTA

Pasi u bë e ditur në fillim të marsit se Radio-Televizioni Publik Australian (SBS) po përgatitej të mbyllte programin e tij në bullgarisht, bashkatdhetarët tanë përtej oqeanit nuk pushuan së kërkuari mënyra për ta parandaluar këtë. Deri më tani, shumë persona nënshkruan peticionin e organizuar nga shoqatat lokale bullgare.

Diaspora bullgare është e bashkuar, si kurrë më parë, në betejën e saj për shpëtimin e programit në gjuhën bullgare. Një sërë letrash u dërguan mediave dhe institucioneve që merren me diversitetin gjuhësor dhe kulturor në Australi. “Deri më tani nuk kemi një përgjigje pozitive, por nuk jemi dorëzuar”, thotë Filli Ladgman, drejtoreshë ekzekutive e seksionit bullgar të SBS dhe shton:

“Përveç përpjekjes për të tërhequr vëmendjen e bordit të SBS, ne duam gjithashtu të kontaktojmë me anëtarë të ndryshëm të parlamentit në nivel federal dhe shtetëror për të bërë të qartë se një komunitet i vogël në Australi është jashtëzakonisht i prekur nga një veprim i tillë. Bëhet fjalë për mbylljen e një programi që ekziston prej 46 vitesh në eterin australian me të cilin komuniteti bullgar jo vetëm që është mësuar, por edhe ka nevojë për të. Sepse ky program është objekt i vetëdijes kombëtare dhe i faktit që gjuha bullgare duhet ta ekzistojë ndër të gjitha gjuhët e tjera në Australi.”

Filli Ladgman

Sipas të dhënave zyrtare, në Australi rreth 2800 janë banorë bullgarishtfolës. Udhëheqja e radios SBS mendon se audienca bullgare në kontinent është shumë e vogël dhe nuk i plotëson kriteret për të pasur një program gjuhësor për të. Për më tepër, komuniteti është i integruar mirë, me njohuri të mira të gjuhës angleze, të ardhura të larta dhe një numër të vogël dëgjuesish të moshuar.

Sidoqoftë, kjo nuk mund të jetë një arsye e vlefshme për të privuar kaq shumë njerëz nga aksesi ndaj informacionit në gjuhën e tyre amtare, është kategorike Sonya Arabadzhieva, drejtuese e grupit folklorik “Bulgarë” në Melburn:

“Kur më 1 mars erdhi lajmi tronditës se programi ynë në bullgarisht u kërcënua me pezullim, ne filluam të telefononim njëri-tjetrin dhe të kërkonim një mënyrë - çfarë të bëjmë, me çfarë të ndihmojmë dhe si të mbrohemi. Sepse sapo zëri bullgar të shuhet në Australi, aq larg atdheut, do ta ketë shumë të vështirë të fillojë të flasë sërish. Dhe ne të gjithë ndihemi përgjegjës si bullgarë për të mbrojtur interesat tona kombëtare. Nëse gjuha humbet, minohen themelet e kulturës, traditave, folklorit dhe gjithçkaje. Pra, reagimi ynë i parë ishte, “Duhet të shkruajmë një letër zyrtare për t’ia dërguar udhëheqjes së Radios SBS”, tha Sonia Arabadzhieva.

Ruajtja e programit javor njëorësh në bullgarisht u kthye në një kauzë për bashkatdhetarët tanë në Australi. Është shumë e rëndësishme, veçanërisht për brezin e bullgarëve më të moshuar në vend, të cilët nuk flasin mirë anglisht, si dhe për të sapoardhurit që kanë nevojë për informacion për t’u vendosur, pohon Sonia Arabadzhieva.

Programi i gjuhës bullgare pritet të pezullohet nga 1 maji i këtij viti. Pesë gjuhët e mbetura që nuk plotësojnë kriteret e Radios SBS janë shqipja, finlandishtja, rumune, sllovake dhe sllovene.

Përgatiti në shqip: Svetllana Dimitrova

Foto: BTA, arkiv personal




Последвайте ни и в Google News Showcase, за да научите най-важното от деня!

Më shumë nga rubrika

Nënshkrimi i Traktatit të Paqes të Neuilly, 27 nëntor 1919

Elegjia për Krahinat Perëndimore tingëllon si një requiem

105 vjet më parë, më 27 nëntor 1919, në periferinë e Parisit, Neuilly-sur-Seine, u nënshkrua një traktat që i dha fund zyrtarisht pjesëmarrjes së Bullgarisë në Luftën e Parë Botërore (1914-1918). Historianët e përkufizojnë dokumentin si "katastrofa e radhës..

botuar më 24-11-27 7.05.PD

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj

Uzurpimi i trashëgimisë kulturore dhe historike ka qenë dhe vazhdon të jetë një nga pasojat e shumta të pashmangshme të çdo konflikti ushtarak si në të shkuarën, ashtu edhe në ditët e sotme. Deri në përfundim të luftës në Ukrainë, është e pamundur të..

botuar më 24-11-26 7.35.PD

Chat-i bullgar me inteligjencën artificiale BgGPT mund të shfrytëzohet falas nga të gjithë

Instituti për Shkenca Kompjuterike, Inteligjencë Artificiale dhe Teknologji (INSAIT) pranë  Universitetit të Sofjes “Shën Kliment Ohridski" vuri në dispozicion për përdorim falas Chat aplikacionin BgGPT me inteligjencë artificiale të gjeneratës së..

botuar më 24-11-25 9.45.PD