Më 27 korrik, që nga koha më e lashtë, nderohet kujtimi i shëruesit Shën Pantelejmon, i cili në emër të Krishtit shëronte falas. Sipas jetëshkrimit të tij Shën Pantelejmoni jetoi në fund të shekullit të III-të dhe fillim të shekullit të IV-të. Ai studioi mjekësi te mjeku i famshëm në atë kohë Efrosin dhe u bë mjek i oborrit. Pasi u pagëzua në fenë e krishterë, ai mori dhuratën e shërimit dhe mrekullibërjes. Shën Pantelejmoni u vra në vitin 305 gjatë sundimit të perandorit Maksimilian pas torturave mizore.
Për shkak të aktiviteteve të tij gjatë jetës, Shën Pantelejmoni u shpall shenjëtor mbrojtës i mjekëve dhe mamive.
Kisha Ortodokse Bullgare nderon kujtimin e tij më 27 korrik
Më shumë për këtë shenjtor të respektuar mund të lexoni në botimet e Radio Bullgarisë:
Gjashtë shekuj më vonë, në këtë ditë, u nda nga jeta më i famshmi nga nxënësit e iluministëve sllavë Shenjëtor Kirill dhe Metodij - Shën Klementi, Kryepeshkopi i Ohrit. Shën Kliment Ohridski ishte një studiues bullgar mesjetar dhe peshkopi i parë që predikoi në gjuhën e vjetër bullgare. Ai themeloi Shkollën Letrare të Ohrit. Ai u dërgua nga Shën Mbreti Boris I në trojet bullgare jugperëndimore me qendër qytetin e Beratit në Shqipërinë e sotme.
Vite më vonë dita e fjetjes së këtij iluministi bullgar 27 korriku, u shpall një festë e përbashkët e Shtatë Shenjtorëve – vëllezërit Kirill dhe Metodij, dhe dishepujt e tyre Kliment, Naum, Sava, Gorazd dhe Angelarij.
Ekspozita fotografike për 96 vjetorin e fillimit të speleologjisë së organizuar në Bullgari u rregullua në Urën e të Dashuruarve pranë Pallatit Kombëtar të Kulturës. Këtë e bënë të ditur organizatorët e klubit të shpellës “Nën buzë”. Ekspozita..
Sot shënohet 88 vjetori i lindjes së këngëtares sonë të madhe të folklorit Nadka Karaxhova. E lindur më 14 mars 1937 në fshatin e atëhershëm Trivodici të rrethit të Pazarxhikut (sot - rajoni i Plovdivit), ajo është pasardhëse e një familjeje të vjetër..
Dita e Shën Theodhorit është një festë e rëndësishme bullgare, e cila shënohet të shtunën pas të Dielës së të Lidhurve të Djathit . Kjo është një festë e lëvizshme dhe këtë vit bie më 8 Mars. Sipas besimeve popullore, Shën Theodhori luan një rol..
Ekspozita fotografike për 96 vjetorin e fillimit të speleologjisë së organizuar në Bullgari u rregullua në Urën e të Dashuruarve pranë Pallatit Kombëtar..