Hyrja e luftanijeve ruse në zonën ekskluzive ekonomike të vendeve të Detit të Zi, përfshirë Bullgarinë, dhe shpallja e zonave paralajmëruese në to, të rrezikshme për lundrimin, është e papranueshme dhe dëmton interesat ekonomike dhe financiare të vendit. Ky është qëndrimi i shprehur nga pala bullgare në konsultimet për arritjen e paqes në Ukrainë, të cilat u zhvilluan në qytetin saudit Xheda, njoftoi MPJ.

“Bullgaria dënon vendimin e Moskës për t'u tërhequr nga e ashtuquajtura marrëveshja e grurit, duke përdorur sigurinë ushqimore dhe furnizimin me ushqim si një armë për të arritur ambiciet perandorake. Shkatërrimi i synuar i infrastrukturës civile, duke përfshirë portet përgjatë Danubit, krijon një rrezik serioz përshkallëzimi në rajon. Bullgaria mbetet e përkushtuar për të ofruar ndihmë për eksportin e drithit ukrainas, përfshirë edhe përmes territorit të vendit”, theksoi pala bullgare.