Më 17 shtator, Kisha Ortodokse Bullgare adhuron Martiret e Shenjta Sofia dhe vajzat e saj Besa, Shpresa dhe Dashuria. Bashkë me bijat e saj ajo jetonte në Romë. Gjatë jetës Sofia e justifikoi plotësisht emrin e saj, që do të thotë “urtësi”. Si grua dhe më vonë si e ve, ajo jetonte sipas rregullave të krishterë, të mbushur me paqe, pastërti, butësi, nënshtrim ndaj vullnetit të Zotit. Sipas mundësive të saj, ajo jepte lëmoshë vazhdimisht. Jeta e saj ishte një sërë veprash të mira.
Ajo edukonte edhe të tre vajzat e saj në virtytet e krishterimit. Sofia u përpoq që vajzat e saj të tregojnë në jetën e tyre ato virtyte me emrat e të cilave quheshin - Besa, Shpresa dhe Dashuria.
Dhe kisha kjo ditë u jep nderim virtyteve që na mbështesin - urtësisë, besimit, shpresës dhe dashurisë. Urtësia di, sheh dhe ndihmon. Ajo e merr forcën e saj nga besimi, shpresa dhe dashuria dhe ia jep botës.
Nënadhe tre vajzat e saj nuk e fshehën besimin e tyre në Krisht.E shpifur për fenë e tyre të krishtere, nëna dhe vajzat e saj të mitura u sollën para perandorit Adrian. Ai deshi që ato t’i bëjnë fli perëndeshës Artemis, por ato refuzuan. Prandaj perandori i nënshtroi në tortura, por tre vajzat nuk hoqën dorë nga feja e tyre dhe vdiqën si dëshmore.
Nëna Sofia kaloi tre ditë në varrin e vajzave të saj. Ajo iu lut me zjarr Zotit. Në një gjendje të tillë, ajo ia dha shpirtin Shpëtimtarit, e bindur se do të shkonte te vajzat e saj.
Të krishterë varrosën nënën e shenjtë me vajzat e saj. Kjo ndodhi në vitin 126.
Kisha e Krishtit e nderon edhe Shën Sofinë si martire, sepse si nënë përjetoi me zemër torturat e tmerrshme për Krishtin e vajzave të saj të dashura.
Lipsanet e dëshmoreve të shenjta Sofia, Besa, Shpresa dhe Dashuria pushojnë që nga viti 777 në Alsace të Francës.
Festivali Ndërkombëtar "Plovdiv - i lashtë dhe i përjetshëm: histori, etnologji, kulturë dhe art" hapet më 14 qershor dhe do të zgjasë deri më 16 qershor. Në veprimtarinë e organizuar nga Shoqata për Rikrijimin Historik “Filipopoll” priten..
A e dini se në kryeqytetin moldavian Kishinau ka një rrugë me emrin Hristo Botev? Pikërisht aty, rreth tre kilometra larg qendrës së qytetit, qëndron një monument mbresëlënës i poetit, revolucionarit dhe figurës publike bullgare, i cili vdiq..
Nga qyteti Tutrakan (Bullgaria Veriore), më 30 maj, filloi marshimi i 39-të "Në rrugën e çetës së Vojvodës Tanjo". Ngjarja është nën patronazhin e Presidentit Rumen Radev. U mbajt rishfaqja tradicionale e zbarkimit të çetës në brigjet e Danubit...
Për të 15-in vit radhazi, Pelegrinazhi "Mrekullibërësi i Rilës" mbledh besimtarët ortodoksë nga afër dhe nga larg në një procesion litium nga Sofja deri..