Lufta, konflikti dhe terrori janë sfida për të ardhmen e qytetërimit tonë. Këtë e deklaroi presidenti Rumen Radev në fjalimin e tij para Asamblesë së Përgjithshme të OKB-së në Nju Jork. “Sot jetojmë në një botë me rrezik dhe pasiguri në rritje. Tabloja plotësohet nga erozioni sistematik i demokracisë dhe i të drejtave të njeriut dhe rritja e autoritarizmit. Konsensusi se njerëzimi mund të jetojë sipas rregullave të rendit botëror të pranuar ndërkombëtarisht është shkelur rëndë”, tha Radev. Ai e quajti agresionin kundër Ukrainës “një luftë nga një anëtar i përhershëm i Këshillit të Sigurimit të OKB-së kundër një vendi fqinj, duke shkelur parimet e Statutit të OKB-së dhe të drejtës ndërkombëtare”.

Presidenti bullgar shprehu shqetësimin për përhapjen e luftës në të gjithë rajonin e Detit të Zi dhe i bëri thirrje OKB-së që të gjejë një zgjidhje për konfliktin përmes negociatave.