Tubimi i 18-të Kombëtar për Mbrojtjen e Racave Vendëse të Kafshëve Bujqësore Bullgare mbahet sot në zonën “Panicite” pranë qytetit Kalofer. Veprimtarinë me titull “Të ruajmë së bashku gjithçka bullgare” do ta hapë ministri i bujqësisë Kirill Vëtev.

“Racat lokale janë e ardhmja e blegtorisë bullgare - ato janë rezistente ndaj ndryshimeve klimatike dhe sëmundjeve”, thekson dr. Ivan Mehanxhijski, anëtar i Bordit të Bashkimit Bullgar të Fermerëve dhe kryetar i Shoqatës së mbarështimit të racave bullgare të gjedhëve. Sipas tij, ato duhet të mbrohen, siç është politika e Bashkimit Evropian, sepse mund të shërbejnë me gjen-fondin e tyre për të përmirësuar racat е kultivuara, duke i bërë ato më rezistente.