Avioni qeveritar “Airbus 319” me një grup të dytë shtetasish bullgarë të evakuuar nga Izraeli u ul në aeroportin e Sofjes në orën 03:40 të së hënës me 87 pasagjerë në bord. Ata janë kryesisht turistë dhe pjesëmarrës në një konferencë mjekësore. Avioni u ngrit pak pas orës 01:00  të mëngjesit nga aeroporti Ben Gurion në Tel Aviv dhe u prit në Sofje nga kryetari i parlamentit Rosen Zheljazkov dhe ministrja e jashtme Maria Gabriel. Të dielën, 92 shtetas bullgarë dhe një kroat u evakuuan nga Izraeli dhe zbarkuan në Sofje.

Ministri i transportit, Georgi Gvozdejkov, bëri të ditur se evakuimet do të vazhdojnë për sa kohë të ketë shtetas bullgarë të gatshëm për t’u larguar nga Izraeli. Ai shtoi se vendet e tjera në BE kanë shprehur dëshirën që Bullgaria të transportojë qytetarët e tyre dhe nëse është e mundur kjo do të bëhet.

• Nuk ka kërcënim të shtuar të terrorizmit pas fillimit të luftës në Izrael