Tuzlla e Balçikut përbën dy liqene të vendosura në afërsi të njëri-tjetrit, fjalë për fjalë disa metra larg bregut të detit. Përveçse është i bukur, vendi është edhe shërues. Uji këtu është shumë i kripur, pothuajse po aqsa ai i Detit të Vdekur – pishina më e kripur ujore në planet. Kjo ndoshta për shkak të përbërjes unike të baltës së formuar në fund të liqenit, për vetitë e së cilës përhapen legjenda.
Cilësitë e saj njiheshin që në vitet 30-të të shekullit të kaluar, kur këtu u krijuan të ashtuquajturat Banjat e Tuzllës, të pajisura me kabina për femra dhe meshkuj për të hyrë në baltën në fjalë. “Mrekullia e baltës së limanit” lehtëson artrozën, tendovaginitin, sëmundjet neurodegjenerative, si Parkinson, por edhe sëmundjet e lëkurës, radikulitin, pleksitin, duke përfshirë edhe gjendjet pas një goditjeje në tru, etj. Në sfondin e kaltërsisë së liqenit, bie në sy silueta e vetmuar e Spitalit të Specializuar Rehabilitues "Tuzllata", i ndërtuar këtu në vitet 50-të të shekullit XX:
“Kjo metodë trajtimi dhe profilaktike apo e ashtuquajtura Metoda Egjiptiane, ka qenë e njohur që nga kohërat e lashta. Dhe ne jemi të vetmit në Bullgari që mund t'ua ofrojmë pacientëve, pasi tek ne trajtimi bëhet pikërisht në breg të liqenit të grykëderdhjes, prej nga nxjerrim baltën. Me të mbushim disa vaska nga të cilat njerëzit lyhen” - thotë dr.Kamelija Kirçeva, menaxhere e spitalit. Metoda egjiptiane që ajo përmend bazohet tërësisht në efektet e dobishme të diellit, baltës, ujit liman dhe mineral. Kështu funksionon trajtimi i baltës në Tuzllata:
“Duhet të qëndroni në diell për rreth 30-40 minuta në mënyrë që të hapen poret e lëkurës, pastaj lyeni veten me rreth gjysmë deri në një centimetër baltë shëruese. Kur nxirret nga liqeni është i butë me ngjyrë gri të errët. Kur aplikohet në trup, faza e lëngshme avullon dhe del përmes poreve dhe balta thahet, kthehet në gri dhe fillon të plasaritet. Pasi të thahet, njerëzit duhet të hyjnë në liqen për ta larë atë. Detergjentët nuk duhet të përdoren, pasi disa nga përbërësit e baltës mund të ndërveprojnë me to dhe të shkaktojnë reaksione alergjike. Prandaj është mirë që të shpëlahemi vetëm me ujin e kripur nga liqeni i limanit dhe më pas me ujin mineral që kemi” - është kategorike doktoresha Kirçeva.
Për të pasur efekt, një procedurë zgjat maksimumi 2 deri në 3 orë. Spitali ka një kënd të veçantë pranë vetë liqenit, i cili është gjithashtu i aksesueshëm për turistët me një tarifë minimale. Ndryshe nga "kura e egër me baltë" në bregun përballë, këtu ata kanë të gjitha lehtësitë e nevojshme:
“Ne kemi një sektor në spital që quhet “Terapia me baltë në natyrë”. Ka dy reparte të veçanta - për meshkuj dhe femra. Ka rërë ku njerëzit mund të shtrihen paraprakisht dhe të përdorin rrezet e diellit, ka stola ku pas aplikimit mund të ulen ose të qëndrojnë më këmbë. Infrastruktura është shumë e mirëmbajtur. Janë 2-3 vaska në të cilat vazhdimisht heqim baltën shëruese nga liqeni, si dhe çadrat, dhomat e zhveshjes etj.” - thotë doktoresha Kirçeva.
Tuzllata është pjesë e rrjetit ekologjik Natyra 2000 dhe është një strehë për disa lloje zogjsh, duke përfshirë edhe çafkën e bardhë. Kështu, ndërsa lyeni veten me baltën gri të errët dhe shijoni pamjen e bukur të liqeneve, çafkat dhe krijesat e tjera me pendë do të fluturojnë sipër kokës.
Përgatiti në shqip dhe publikoi: Svetllana Dimitrova
Foto: Veneta Nikollova, Spitali i Specializuar Rehabilitues "Tuzllata"
Nga 15 maj nis zyrtarisht fushata “Shtëpia më e Mirë Malore e Vitit”. Në këtë aktivitet do të shpallen shtëpizat dhe strehimoret e nominuara në programin e konkurrimit dhe ato të propozuara për mbështetje financiare dhe përmirësime të infrastrukturës...
Turizmi i tepërt i shkaktuar nga bumi i paprecedentë i udhëtimeve pas përfundimit të epidemisë bëri që njerëzit të kërkojnë një alternativë të nocioneve të pranuara gjerësisht të pushimeve. Sidomos ndër brezat e rinj, ka një ngopje të ekskursioneve..
Mijëra njerëz do të mblidhen sot në burim në zonën malore të Dambalësë mbi Momçillgrad . Të gjithë besojnë se gjatë kësaj nate uji që buron nga shkëmbinjtë bëhet shërues dhe shëron sëmundje të ndryshme. Mrekullia ndodh pikërisht me fillimin e 6..
Sofja nuk është ndër kryeqytetet më të vizituara evropiane, por ka shumë për të ofruar - qyteti është modern, duke ruajtur hijeshinë e së kaluarës...