Duke zbarkuar nga një helikopter, separatistë jemenas rrëmbyen një anije mallrash në Detin e Kuq. Sipas kryeministrit izraelit Benjamin Netanjahu, anija "Galaxy Leader" nuk është izraelite, ekuipazhi është ndërkombëtar dhe kapiteni është bullgar, njoftoi BTA, duke iu referuar AFP. Izraeli akuzo Irianin se qëndron pas rrëmbimit të anijes, e cila po lundronte nga Turqia për në Indi. Rebelët jemenas husi janë një aleat i Iranit dhe lëshojnë raketa dhe drone kundër Izraelit për shkak të luftës në Gaza. Teherani hodhi poshtë akuzat.
Sipas AP, pronarët e anijes transportuese të makinave janë të lidhur me biznesmenin izraelit Abraham (Rami) Ungar dhe kompaninë britanike Ray Car Carriers. Ungar, i cili konsiderohet si një nga njerëzit më të pasur në Izrael, tha para AP se ai ishte vënë në dijeni për rastin, por nuk mund të komentojë.
Dy shtetas bullgarë janë të rrëmbyer, kemi njoftuar të afërmit e tyre. Këta janë - kapiteni i anijes dhe ndihmësi i parë i kaëpitenit. Deri tani askush nuk na ka kontaktuar. Po punojmë me kolegë nga shërbimet partnere, tha në një konferencë për media kryesekretari i Ministrisë së Punëve të Brendshme Zhivko Kocev. Ai konfirmoi se anija është në pronësi të një kompanie britanike në të cilën Abraham Ungar zotëron aksione. Studiuesi në fushën e politikës së Lindjes së Mesme, profesor Vlladimir Çukov i kujtoi Nova TV se, Ungar është i njohur në Bullgari. “Ai është sponsor i Shkollës Ushtarako-Detare në Varna. Shumë nga të diplomuarit në këtë institucion të arsimit të lartë e gjejnë realizimin e tyre në anijet e Ungar”, saktësoi profesori.
Husët kanë premtuar se do ta trajtojnë ekuipazhin prej 22 personash "si mysafirë sipas parimeve të Islamit" në qoftë se ata nuk janë izraelitë, njoftoi agjencia shtetërore ruse e lajmeve “Novosti”.
“Nuk ka pasur rrëmbime anijesh nga lëvizja e husëve të Jemenit, por ata njoftuan se do të ndërmarrin veprime kundër anijeve izraelite. Kërkesat e tyre do të jenë politike”, komentoi për BNR, nënadmirali rezervist Pllamen Manushev, ish-komandant i Forcave Detare. Ai e cilësoi rrëmbimin si një precedent të rëndë dhe të rrezikshëm.
Një tërmet i dobët është regjistruar në Sofje një minutë para orës 16:00, i cili ka qenë me magnitudë 2.7 të shkallës Rihter dhe është ndjerë në katet e larta të disa lagjeve të kryeqytetit - "Druzhba", "Mlladost", "Studentski Grad" dhe "Malinova..
Në Prokurorinë e qytetit të Sofjes tashmë është dorëzuar kallëzimi i djeshëm nga kandidatja për kryeministre të përkohshme, Gorica Grënçarova-Kozhareva, për presionin që i është bërë gjatë punës së saj mbi projektin për qeverinë e përkohshme. Një..
Ndonjëherë ndodh që Hëna të mbulojë një planet të Sistemit Diellor dhe nëse ai planet është një nga pesë më të ndriturit, fenomeni mund të vërehet me sy të lirë ose me dylbi. Në mëngjesin e 21 gushtit 2024, vëzhguesit nga Bullgaria mund të vëzhgojnë se..
Ditën e shtunë do të mbizotërojë mot me diell. Pasdite do të ketë vranësira mbi zonat malore por pa reshje shiu. Do të fryjë erë e dobët, në..
Në vitin 2023, 47% e totalit të eksporteve të Bullgarisë drejt Kinës është përbërë nga produkte bujqësore dhe ushqimore. Për sa i përket këtij..
Sot shënojmë Ditën e Kujtimit për Krimet e Regjimeve Nacional Socialiste, Komuniste dhe të tjera totalitare dhe nderojmë viktimat e tyre...