"Zbuloni kështjellën "Baba Vida" - kështjella më e madhe mesjetare në Bullgari. Si alternativë, vizitoni një shtëpi vendase për një demonstrim të kosit tradicional bullgar dhe banicës së ëmbël një ëmbëlsirë që do të mund ta përgatisni edhe ju" - Pra, një nga liderët e Kompanivetë lundrimit në lumin Danub, reklamon qytetin e Vidinit në mesin e klientëve të saj.
Deri në fund të tetorit, 278 anije me turistë të lundrimit u ankoruan në Vidin. Për herë të parë, sezoni nuk do të përfundojë në nëntor, por në fund të dhjetorit, kur pritet të ankorohet anija e fundit turistike për vitin 2023, sipas një raporti të autoritetit portual. Udhëtarët e lumenjve qëndrojnë në Vidin nga disa orë deri në dy ditë dhe prania e tyre ndikon pozitivisht në turizmin vendas. “Nga fillimi i sezonit e deri më tani kemi pritur rreth 50 mijë miq lundrues” – thotë Cecka Cokova nga komuna Vidin për Radio Bullgarinë dhe shton:
"Këta janë kryesisht turistë nga SHBA, Gjermania, Austria. Në një masë më të vogël kemi mysafirë edhe nga disa vende aziatike, si dhe nga Italia, Kanadaja e deri në Zelandën e Re. Më së shpeshti nisen nga një port gjerman ose austriak dhe prej andej nis udhëtimi i tyre përgjatë Danubit dhe Vidini është ndalesa e tyre e parë në Bullgari. Në varësi të programit të tyre, ata arrijnë edhe në Ruse."
Rrugët e lumenjve janë jashtëzakonisht të njohura në mesin e turistëve të moshuar - po flasim për të huaj të pasur mbi 65 vjeç, të cilët udhëtojnë me bashkëshortët e tyre në kërkim të përvojave dhe kontakteve me kultura të ndryshme.
"Të huajt janë shumë të impresionuar nga qyteti ynë," thotë Cecka Cokova. Interesim më të madh ngjall “Baba Vida”. Që nga fillimi i vitit, kështjellën mesjetare buzë Danubit e kanë vizituar 10144 të huaj, mes të cilëve mbizotërojnë turistët e kroçerave, sipas të dhënave të RIM-Vidin.
Shumë shpesh ata kërcejnë në shkëmbinjtë e Bellogradçikut, rreth 50 km larg në jug të qytetit port për të eksploruar fenomenin e mahnitshëm natyror dhe kështjellën e lashtë të mbuluar me legjendë. Por shumica qëndrojnë në Vidin për t'u zhytur në atmosferën e tij autentike. “Ata duhet të ndalen pranë ndërtesës së bukur të ish sinagogës, e cila u restaurua së fundmi dhe hapi dyert këtë vjeshtë”, thotë Cecka Cokova dhe shton:
Stamboll Kapia - porta kryesore e Kalasë së Vidinit, e ndërtuar në shekujt 17-18, dhe Katedralja e mrekullueshme e Shën Dimitrit janë ndër pamjet që i bëjnë shumë përshtypje mysafirëve të lumit. Por jo vetëm:
"Ka edhe nga ata që duan të provojnë kuzhinën vendase. Vidini është i njohur për banicën (byrekun) e Vidinit, e cila ka një shije të ëmbël dhe të huajt me kërkesë paraprake dëshirojnë ta shijojnë. Shumë prej tyre largohen me një kavanoz me kos, sepse është diçka me të cilën jemi njohur në mbarë botën dhe sigurisht, të mos harrojmë se shkolla e parë e verës hapi dyert në Vidin në vitin 1887. Nuk është rastësi që qyteti ynë është një destinacion popullor për turizmin e verës, duke ofruar varietete unike autentike. Pra, turistët e lundrimit shpesh zgjedhin të pasurojnë qëndrimin e tyre në qytetin tonë me degustime të verërave lokale në bodrumet tona - shpjegon Cecka Cokova.
Lexoni më tepër:
Foto: BTA, Bashkia Vidin - vidin.bg
Përgatiti në shqip dhe publikoi: Kostandina Bello
Për herë të parë që nga viti 2013. Bullgaria u përfaqësua përsëri me një stendë kombëtare në ekspozitën më të madhe turistike në Skandinavi, FERIE FOR ALLE (Danish Travel Show) në qytetin e Herning, Danimarkë, e cila këtë vit u zhvillua nga 21-23..
I ngulitur mes kodrave të malit Ljulin, Manastiri i Klisurës “Shën е Premtja” është i mbuluar nga misteri dhe spiritualiteti. Ai ndodhet vetëm 7 km larg qytetit turistik Bankja, në afërsi të fshatit Klisura. Dimri është koha kur manastiri i..
558 bullgarë të moshës 18 vjeç do të mund të realizojnë një udhëtim me tren të ëndrrave nëpër Evropë, të mësojnë nga kulturat e tjera dhe të krijojnë miqësi të reja. Ata janë përzgjedhur për të marrë një kartë udhëtimi falas nga fushata DiscoverEU...
I ngulitur mes kodrave të malit Ljulin, Manastiri i Klisurës “Shën е Premtja” është i mbuluar nga misteri dhe spiritualiteti. Ai ndodhet vetëm 7 km..
558 bullgarë të moshës 18 vjeç do të mund të realizojnë një udhëtim me tren të ëndrrave nëpër Evropë, të mësojnë nga kulturat e tjera dhe të krijojnë..
Për herë të parë që nga viti 2013. Bullgaria u përfaqësua përsëri me një stendë kombëtare në ekspozitën më të madhe turistike në Skandinavi, FERIE FOR..