23
Qëndismat bullgare frymëzojnë që prej shekujsh. Shumëllojshmëria e elementeve të tyre është shprehje e shpirtit të pasur dhe talenteve artistike të gruas bullgare dhe mishëron kërkimin e vazhdueshëm të së bukurës. Prej pesë vitesh, Marija Gergova me frymëzim, talent dhe energji pozitive përpiqet të sjellë qëndisjen në jetën tonë moderne, duke e paraqitur atë në enë qelqi. Dhe ajo ia del mbanë – u sjell kënaqësi njerëzve, duke krijuar sende unike xhami.
Impulsin e parë e mori nga një tjetër grua e talentuar bullgare që qëndis mëngë të thurura. Kjo e bën Marija të mendojë - si t'i bëjë elementët e qëndisjes vazhdimisht të pranishëm në jetën tonë të përditshme. Blen libra me motive autentike, anëtarëson në disa grupe të specializuara në Facebook dhe kështu arrin të pasurojë vazhdimisht elementet që rikrijon mbi qelqin:
“Sa më të panjohura të jenë, aq më e madhe është gudulisja për t’i rikrijuar, sepse janë gjithashtu të ndryshëm, të larmë – diçka me të cilën jam shumë i kënaqur më pas, duke parë se si rezulton në qelq. Qëndisjet e njohura janë kudo këto ditë - njerëzit po i rikrijojnë ato në një sërë gjërash, jo vetëm në rroba. Unë dua që ajo që bëj të mbetet në kohë, prandaj motivet më të rralla janë më të vlefshme për mua” - thotë Marija, e cila e kthen hobin e saj në profesion. Ajo gjithashtu shpiku vetë teknikën e punës së vështirë të pikturës në qelq:
“Pika boje me vëllim më të madh ishte gjëja që shpika të duket realiste për qëndisje. Nuk huazova nga askund, mund të them me siguri se është gjëja ime. Punimi i një gote ka 13 faza - nga ngjyrosja e xhamit, deri në përfundimin e dantellave, për të cilat kam një afinitet të veçantë dhe i përfshiva gjatë përsosjes së procesit të pikturimit.
Puna është delikate - dekorimi i një shërbimi të verës, për shembull, kërkon më shumë se një muaj. Por kënaqësia është e madhe, sidomos kur arrin të vulos në gotë një model të vjetër qëndisjeje, të përcjellë brez pas brezi në ndonjë familje bullgare.
“Kur fillova 5 vjet më parë, ojnat e qëndisjeve të rajonit të qytetit Ruse ishin shumë me ndikim tek unë. Ndodhi që të rikrijoja edhe motive të trashëguara në një familje prej shumë vitesh - bëra një motiv për një dasmë që kalon nga gjyshja te mbesa dhe kjo personalisht më preku shumë pak kohë më parë” –thotë krijuesja, dhe njerëzit që i kanë besuar talentit të saj kthehen - me një porosi, por për një rast tjetër të bukur. Kjo i jep asaj një nxitje për të vënë shpirtin e saj në punë:
“Vetë energjia që kanë qëndisjet nuk më lë të shkoj tashmë 5 vitesh dhe kjo është një kënaqësi jo vetëm për shpirtin tim. Të shoh se ajo që bëj vlerësohet dhe mbetet në kohë, kjo është e mrekullueshme.”
Lexoni më shumë:
Intervistë: Mina Deneva nga BNR-Shumen
Teksti: Elena Karkalвanova
Përgatiti në shqip dhe publikoi: Svetllana Dimitrova
Foto: Facebook / Të preferuarat nga Mimi
Thonë se për të njohur një vend duhet jo vetëm ta shohësh me sy, por edhe ta shijosh. Çdo fshat bullgar, çdo qytet apo rajon ka frymën dhe aromën e vet specifike. Një nga mënyrat për t'i njohur janë rrugët gastronomike, të cilat po fitojnë popullaritet të..
Në shtator të vitit të kaluar, në korin e grave të ansamblit folklorik bullgar "Shevica" në Sofje u përfshi një djalë i ri, me tatuazhe dhe të gjitha karakteristikat e një vokalisti të një grupi kanadez heavy metal – ai hyri dhe u ul me..
Sipas dokumenteve osmane, afër fshatit të sotëm Bivoljane në komunën e Momçillgradit (Bullgaria Jugore) jetonin më shumë se 500 dervishë , të cilët u trajnuan në teqen Elmala Baba. Qendra fetare dikur ishte e njohur si qendra më e madhe e..
Thonë se për të njohur një vend duhet jo vetëm ta shohësh me sy, por edhe ta shijosh. Çdo fshat bullgar, çdo qytet apo rajon ka frymën dhe aromën e vet..
Vranësira