BSP dhe “Vëzrazhdane” organizojnë për mbrëmjen e sotme një protestë në Kopshtin e Princit në Sofje kundër shkatërrimit të Monumentit të Ushtrisë Sovjetike. "Të mos i lejojmë ata të bëjnë mizori mbi historinë dhe kujtesën bullgare", kërkoi kryetari i BSP - Sofje, Ivan Takov. Sipas “Vëzrazhdane”, çmontimi i monumentit është i paligjshëm dhe është “restaurim i fashizmit”. Drejtuesja e "Ngrihu.BG" Maja Manollova ngriti një padi në Gjykatën Administrative - Sofje qytet për çmontimin e monumentit. Në përgjigje të kërkesës së BSP-së, ministri i kulturës Krëstju Krëstev deklaroi gatishmërinë për t'u dëgjuar në Kuvendin Popullor në lidhje me demontimin. Çmontimi i monumentit, aktualisht nën roje policore 24 orëshe, pritet të përfundojë deri në Krishtlindje. PP deklaroi se pas çmontimit, monumenti do të restaurohet dhe do të zhvendoset “për të kujtuar të shkuarën, por edhe për të thënë se është koha për të ecur përpara”.

• Çmontojnë Monumentin e Ushtrisë Sovjetike sipas detajeve të instalimit të monumentit
  
• Monumenti i Ushtrisë së Kuqe në Sofje po çmontohet
  
• Monumenti i Ushtrisë Sovjetike në Sofje – një manovër parazgjedhore ose një orvatje për të rishkruar historinë